Rabitə və informasiya texnologiyaları naziri Əli Abbasovun mayın 8-i saat 10:00-da Bərdə rayonunda (Bərdə, Ağdam, Yevlax, Tərtər, Ucar, Zərdab, Ağcabədi, Beyləqan, Füzuli) əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti, bu sahədə bölgələrdə əhalini maraqlandıran məsələlərlə bağlı vətəndaşların qəbulu planlaşdırılır.

Vətəndaşlardan “[email protected]” elektron poçt ünvanı, 1655 saylı “Qaynar xətt”, 598 38 18 nömrəli (regionlardan edilən zənglər pulsuzdur) telefon vasitəsilə əlaqə saxlayıb qəbula yazılmaları xahiş olunur.

Eyni zamanda, qəbula gəlmək istəyən vətəndaşlar  zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar.

Bunun üçün vətəndaşların Bərdə rayonunda   5-15-15; Ağdam rayonunda 5-06-22; Yevlax rayonunda 6-34-99; Tərtər rayonunda 6-15-54; Ucar rayonunda 3-37-77; Zərdab rayonunda 6-60-41; Ağcabədi rayonunda 5-32-32;  Beyləqan rayonunda 5-22-21 və Füzuli rayonunda 5-50-00 nömrəli telefonlara zəng etmələri xahiş olunur.

Rabitə və İnformasiya Texnologiyaları Nazirliyi

 mətbuat xidməti