Azərbaycan Respublikasının Mərkəzi Bankına kompüter, server, şəbəkə avadanlıqları və proqram təminatlarının satın alınması üçün

TENDER   ELANI

Azərbaycan Respublikasının Mərkəzi Bankı kompüter, server, şəbəkə avadanlıqları və proqram təminatlarının satınalınması məqsədilə açıq tender keçirir.

Tender proseduru 15 may 2013-cü il saat 15.00-da Azərbaycan Respublikasının Mərkəzi Bankının inzibati binasında (Bakı şəhəri, R.Behbudov küçəsi, 32) keçiriləcəkdir.

Tenderdə iştirak etmək üçün iddiaçı aşağıdakı sənədləri təqdim etməlidir:

- tenderdə iştirak üçün yazılı müraciət;

- iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notarial qaydada təsdiq edilmiş surətləri;

- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- tenderdə iştirak haqqının ödənilməsi barədə bank arayışı;

- iddiaçının son 1 (bir) ildəki maliyyə vəziyyəti barədə bank arayışı;

- Azərbaycan Respublikasında vergilərə dair yerinə yetirilməsi vaxtı keçmiş öhdəliklərin olmaması haqqında müvafıq vergi orqanından arayış (xarici iddiaçılar tərəfindən məlumat);

- Azərbaycan dilində iki nüsxədə tender təklifi (tender təklifi 28 iyun 2013-cü il tarixədək qüvvədə olmalıdır);

- tender təklifinin qiymətinin 1 (bir) % məbləğində bank təminatı (əsas şərtlər toplusuna əlavə edilən formada);

- malların Avropa Birliyinin sertifikatlarının surətləri (CE);

- Bakı şəhərində servis xidmətinin mövcudluğunu təsdiq edən məlumat;

- əsas şərtlər toplusunda nəzərdə tutulmuş iddiaçıya dair digər məlumatlar.

3. İddiaçı tender təklifini və tender təklifinin bank təminatını 14 may 2013-cü il saat 18.00-a qədər möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən geci 3 may 2013-cü il saat 18.00-a qədər möhürlənmiş, imzalanmış, yazılı surətdə bağlı zərfdə Mərkəzi Bankın Bakı şəhəri, R.Behbudov küçəsi 32 nömrəli ünvanda yerləşən inzibati binasında əlaqələndirici şəxsə təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderə buraxılmayacaqdır.

4. İddiaçılar tenderdə iştirak haqqı kimi Azərbaycan Respublikasının Mərkəzi Bankının aşağıdakı hesabına 200 (iki yüz) manat məbləğində vəsait köçürməlidir: Azərbaycan Respublikasının Mərkəzi Bankı, hesab № AZ25NABZ01701190000000001944, m/h AZ74NABZ01451700000000001944, kod 501004, VÖEN 9900071001.

5. Xarici iddiaçılar iştirak haqqını ödəniş gününə Azərbaycan Respublikasının Mərkəzi Bankının rəsmi məzənnəsi ilə ABŞ dollarında aşağıda göstərilmiş hesaba ödəyə bilərlər: Correspondent Bank: FRNYUS33, Federal Reserve Bank of New York, corr. account number: 021088221 AZER, account № AZ25NABZ01701190000000001944.

6. Malların təqdim edilməsi müddəti: kompüter, şəbəkə avadanlıqları və proqram təminatları satınalma müqaviləsinin imzalandığı gündən ən geci 30 təqvim günü ərzində, server avadanlıqları isə satınalma müqaviləsinin imzalandığı gündən ən geci 45 təqvim günü ərzində.

7. Qiymətləndirmə meyarları: qiymət və texniki amillər (ödəniş şərtləri, təminat və çatdırılma müddəti).

8. Tenderdə iştirak etmək istəyən hər bir şəxs iştirak haqqının ödənilməsi barədə bank arayışını təqdim edərək Mərkəzi Bankın Bakı şəhəri, R.Behbudov küçəsi 32 nömrəli ünvanda yerləşən inzibati binasından Azərbaycan dilində tərtib edilmiş Tenderin əsas şərtlər toplusunu əldə edə bilər. Tender üzrə əlaqələndirici şəxs: Fərid Osmanov (İnformasiya Texnologiyaları Departamentinin əməkdaşı). Telefon: 493-11-22 (507), faks: 493-83-41, elektron poçt ünvanı: [email protected].

Tender komissiyası