Azərbaycan Respublikası Mərkəzi Bankı özünün  nəqliyyat vasitələrinə texniki xidmət üçün

AÇIQ  TENDER  ELAN  EDİR

Tender proseduru 18 mart 2013-cü il saat 15.00-da Azərbaycan Respublikası Mərkəzi Bankının inzibati binasında (Bakı şəhəri, R.Behbudov küçəsi, 32) keçiriləcəkdir.

2. Tenderdə iştirak etmək üçün iddiaçı aşağıdakı sənədləri təqdim etməlidir:

- tenderdə iştirak üçün ərizə;

- iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notariat qaydasında təsdiq edilmiş surətləri;

- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- tenderdə iştirak haqqının ödənilməsi barədə bank arayışı;

-  Azərbaycan dilində iki nüsxədə tender təklifi (tender təklifi 7 may 2013-cü il tarixədək qüvvədə olmalıdır);

- tender təklifinin qiymətinin 1 (bir) %-i  məbləğində bank qarantiyası (əsas şərtlər toplusuna əlavə edilən formada);

 -  iddiaçının son bir ildəki maliyyə vəziyyəti barədə bank arayışı;

 - Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;

- İddiaçıların oxşar işlərdə ən azı iki il təcrübəsinin olması, o cümlədən maddi-texniki bazası, insan resursları, əməkdaşlarının peşəkarlığı (təhsil, təcrübə və sertifikasiya) və göstəriləcək xidmətin çevikliyi barədə məlumat.

3. İddiaçı tender təklifini və tender təklifinin bank təminatını 15 mart 2013-cü il saat 18.00-a qədər möhürlənmiş, imzalanmış, yazılı surətdə ikiqat zərfdə, digər tələb olunan sənədləri isə ən geci 6 mart 2013-cü il saat 18.00-a qədər möhürlənmiş, imzalanmış, yazılı surətdə bağlı zərfdə Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasına təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderə buraxılmayacaqdır.

4. İddiaçılar tenderdə iştirak haqqı kimi Azərbaycan Respublikası Mərkəzi Bankının aşağıdakı hesabına 100 (bir yüz) manat məbləğində vəsait köçürməlidirlər:

Azərbaycan Respublikasının Mərkəzi Bankı,

kod 501004, VÖEN: 9900071001,

Hesab:AZ25NABZ01701190000000001944,

Müxbir hesab  AZ74NABZ01451700000000001944,

S.W.I.F.T. BİK  NABZAZ2C

Mərkəzi Bankın Ödəniş sistemləri və hesablaşmalar departamenti.

5. Xidmətin göstərilməsinə başlanma vaxtı: satınalma müqaviləsi imzalandığı gündən.

Xidmətin göstərilməsi müddəti: 12 ay.

6. Qiymətləndirmə meyarları: xidmətin dəyəri, maddi-texniki baza, insan resursları və əməkdaşların peşəkarlığı, korporativ müştərilərə xidmət.

7. Tenderdə iştirak etmək istəyən şirkətlər iştirak haqqının ödənilməsi barədə bank arayışını təqdim edərək Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasından Azərbaycan dilində tərtib edilmiş tenderin əsas şərtlər toplusunu əldə edə bilərlər. Tender üzrə əlaqələndirici şəxs:  Saməddin Əliyev və Nazim Balamirzəyev (inzibati departamentin əməkdaşları).

Telefon: 493-11-22 (515), (127). 

Tender komissiyası