Şamaxı Rayon İcra Hakimiyyəti Şamaxı Şəhər İnzibati Ərazi Dairəsi üzrə Nümayəndəliyi 2013-cü ildə mənzil fondunun, yolların əsaslı təmiri  və abadlaşdırılması işlərinin  satınalınması məqsədilə AÇIQ  TENDER  ELAN  EDİR

Tender 3 (üç) lot üzrə keçirilir:

Lot 1. Şəhərin yollarının əsaslı təmiri.

Lot 2. Mənzil fondunun təmiri.

Lot 3. Abadlıq işlərinin görülməsi.

Tender iştirakçılarına təklif edilir ki, öz  tender  təkliflərini möhürlənmiş, imzalanmış  ikiqat zərflərdə yazılı  surətdə təqdim etsinlər.    Müqaviləni yerinə yetirmək üçün tender iştirakçıları lazımi maliyyə və texniki  imkanlara malik olmalıdırlar.    Müqavilə 2013-cü il dekabrın 31-dək yerinə yetirilməlidir.

Tenderdə iştirak etmək istəyənlər hər bir lot üçün aşağıdakı məbləğdə iştirak haqqını  göstərilən hesaba köçürdükdən sonra Azərbaycan dilində tərtib olunmuş tenderin əsas şərtlər toplusunu H.Əliyev küçəsi, 27 saylı  ünvanda yerləşən Şamaxı Şəhər İnzibati Ərazi Dairəsi üzrə Nümayəndəlikdən (əlaqələndirici şəxs: Ariz Vahidov. Tel.: 0-176-5-28-05) ala bilərlər. Hər bir lot üçün iştirak haqqı 150 manatdır.        

İddiaçılar iştirak haqqını aşağıdakı hesaba köçürməlidirlər:

Təşkilat:  Şamaxı Rayon Yerli Xəzinədarlıq Orqanı   

Hesab: 2512732 

VÖEN: 8400081801    DXA 

Kod: 210005  

VÖEN: 14015550171  

Müxbir hesab: AZ85NABZ01360100000003003944

S.W.İ.T BİK CTRCAZ22   

 İştirak haqqı heç bir  halda geri qaytarılmır.     İddiaçılar tenderdə iştirak etmək üçün  aşağıdakı sənədləri  17 yanvar 2013-cü il saat 17:00-dək təqdim etməlidirlər:

-tenderdə  iştirak etmək üçün ərizə;

-tenderdə iştirak haqqının ödənilməsi barədə bank sənədi;

-tender təklifi (zərflərin açıldığı tarixdən ən azı 30 bank günü müddətində qüvvədə  olmalıdır);

-tender təklifi dəyərinin 2 faizi  həcmində (təklifin təminatı) bank zəmanəti (zərflərin açıldığı tarixdən ən azı 60 bank günü müddətinə qüvvədə olmalıdır);

-Azərbaycan Respublikasında  vergilərə və digər icbari ödənişlərə dair yerinə yetirilməsi vaxtı  keçmiş öhdəliklərin  olmaması  haqqında  müvafiq vergi orqanı tərəfindən arayış;

-iddiaçının  son bir il ərzində  maliyyə  vəsaiti barədə bank tərəfindən verilmiş arayış;

-iddiaçının  tam adı, hüquqi statusu,  nizamnaməsi,  qeydiyyatdan keçdiyi ölkə və rekvizitləri;

-analoji  işlərdə təcrübəsi, iddiaçının  potensial texniki və kadr imkanları  haqqında məlumat.

Sənədlər Azərbaycan  dilində, 2  nüsxədə  (əsli və surəti) tərtib olunmalıdır (xarici dildə  olan tender  təklifləri Azərbaycan dilinə  tərcümə olunmalıdır).   Tender  proseduru  “Dövlət satınalmaları  haqqında” Qanuna uyğun keçiriləcəkdir.    İddiaçılar  tenderdə iştirak etmək üçün  yuxarıda  göstərilən sənədləri əlavə iş cədvəli, tender təklifi və bank zəmanətini  möhürlənmiş ikiqat zərfdə 24 yanvar 2013-cü il saat 17.00-a qədər təqdim etməlidirlər.   

Yuxarıda göstərilən tarixdən gec təqdim   olunan zərflər açılmadan geri qaytarılacaqdır.    

Təklif zərfləri 25 yanvar  2013-cü il saat 10.00-da yuxarıda göstərilən ünvanda  açılacaqdır. İddiaçıların səlahiyyətli  nümayəndələri iştirak edə bilərlər.

 Tender komissiyası