Xüsusi biliyə malik mütəxəssislər üçün Ədliyyə Nazirliyi Məhkəmə Ekspertizası Mərkəzinin yerli regional bölmələrinə işə qəbulla bağlı müsabiqə elan edilir
Ədliyyə Nazirliyi Məhkəmə Ekspertizası Mərkəzinin Gəncə, Şirvan şəhərlərində və Şəki rayonunda yeni yaradılmış regional bölmələrinin şəffaf prosedurlar əsasında peşəkar mütəxəssislərlə komplektləşdirilməsi məqsədilə açıq müsabiqə elan edilir.
Bildirilir ki, vakant ştat vahidlərini tutmaq üçün müsabiqədə iştirak etmək istəyən və qanunvericiliyin tələblərinə cavab verən fizika, kimya və biologiya ixtisasları üzrə ali təhsilə malik, yüksək hazırlıqlı və təcrübəli Azərbaycan Respublikasının vətəndaşları ərizə və müvafiq sənədlərini təqdim edə bilərlər.
Ərizə və sənədlər Məhkəmə Ekspertizası Mərkəzinin inzibati binasında (Bakı şəhəri, Xaqani küçəsi, 14) bütün iş günləri qəbul edilir.
Qulluğa qəbulla bağlı digər aidiyyəti məsələlərlə, o cümlədən tələb olunan sənədlərin siyahısı ilə Mərkəzin internet səhifəsində (www.expert.gov.az) tanış olmaq, eləcə də 498-09-71 və 493-18-52 nömrəli telefonlar vasitəsilə əlavə məlumat almaq olar.
Arzu edənlərin müsabiqədə iştiraklarından məmnun olardıq.
Ədliyyə Nazirliyinin Məhkəmə Ekspertizası Mərkəzi