Müsabiqənin məqsədi ümummilli lider Heydər Əliyevin təsviri incəsənətin ən müasir baxışı ilə təkrarolunmaz obrazını və zəngin daxili dünyasını yaratmaqdır.

Müsabiqənin şərtləri

I Müsabiqədə peşəkar rəssamlar, həm də ali rəssamlıq məktəblərinin tələbələri iştirak edə bilərlər.
II Müsabiqəyə işlər materialda təqdim edilir.
III İşin əks tərəfində yalnız "deviz" və ya "şifr" qeyd edilir.
IV Bağlı zərfdə müsabiqə iştirakçısı aşağıdakı məlumatı qeyd edir: "deviz" və ya "şifr", soyad, ad, atanın adı, təvəllüd, işin adı, ölçüsü, texnikası, təhsil aldığı ali məktəb, ev ünvanı və telefon nömrəsi.

Müsabiqənin baş mükafatı (Qran-Pri) təyinat üzrə tövsiyə ediləcəkdir.
Ən yaxşı işlər aşağıdakı mükafatlara təqdim ediləcək:
Birinci mükafat - 5.000 manat
İkinci mükafat - 3.000 manat
Üçüncü mükafat - 2.000 manat

1, 2 və 3-cü yerləri qazanmış işlər müsabiqə təşkilatçılarının mülkiyyətinə keçir.
İşlərin təqdim edilməsinin son tarixi 15 aprel 2013-cü ildir.
İşlər yuxarıda qeyd edilən tarixə qədər aşağıdakı ünvanda qəbul ediləcək:
Xaqani küçəsi, 19, Azərbaycan Rəssamlar İttifaqı
Məlumat telefonu: 493-62-30
Təşkilat komitəsi