- Ümumi inşaat işləri; - Elektrik işıqlanması və güc elektrik avadanlığı (2 ədəd 1000 KVL-luq transformator, 1 ədəd 800 KVA-lıq dizel generatoru, 1 ədəd 800 KVA-lıq stabilizator); - Xarici elektrik təchizatının satınalınması ilə əlaqədar
AÇIQ TENDER ELAN EDİR
Tender iştirakçılarına təklif edilir ki, öz tender təkliflərini möhürlənmiş, imzalanmış ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdır.
Tenderdə iştirak etmək istəyənlər Azərbaycan Respublikası Dövlət satınalmaları haqqında Qanunun 6 və 7-ci maddələrini əsas tutaraq 300 manat məbləğində iştirak haqqını göstərilən hesaba köçürdükdən sonra Azərbaycan dilində tərtib olunmuş tenderin əsas şərtlər toplusunu Bakı şəhəri, Şərifzadə küçəsi, 241-də yerləşən İctimai Televiziya və Radio Yayımları Şirkətindən (əlaqələndirici şəxs: Ş. Nəcəfova, tel: 430-85-25) ala bilərlər.
İddiaçılar iştirak haqqını aşağıdakı hesaba köçürməlidirlər.
Təşkilat: İctimai Televiziya və Radio Yayımları Şirkəti
Hesab N: 21477206-3306-0
VÖEN: 2000435761
"Dəmirbank" ASC-nin Əməliyyat İdarəsi filialı
Kod: 508308
VÖEN: 9900001471
Müxbir hesab: AZ85NABZ01350100000000011944
S.W.İ.F.T.: AZER AZ 22
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri 20 oktyabr 2012-ci ilə qədər təqdim etməlidirlər:
-tenderdə iştirak etmək üçün ərizə;
-tenderdə iştirak haqqının ödənilməsi barədə bank sənədi;
-tender təklifi (zərflərin açıldığı tarixdən sonra ən azı 30 bank günü müddətində qüvvədə olmalıdır);
-tender təklifinin dəyərinin 1 faizi həcmində (təklifin təminatı) bank zəmanəti (zərflərin açıldığı tarixdən ən azı 60 bank günü müddətində qüvvədə olmalıdır)
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanları tərəfindən arayış;
-iddiaçının son bir il ərzində maliyyə vəsaiti haqqında bank tərəfindən verilmiş arayış;
-iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;
-müvafiq mallar üzrə mənşə və uyğunluq sertifikatları;
-analoji işlərdə təcrübəsi, iddiaçının potensial texniki və kadr imkanları haqqında rəsmi məlumat.
Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət Satınalmaları haqqında" Qanuna uyğun keçiriləcək.
İddiaçılar tenderdə iştirak etmək üçün yuxarıda göstərilən sənədlərdən əlavə iş qrafiki, tender təklifi, bank zəmanətini möhürlənmiş ikiqat zərfdə 30 oktyabr 2012-ci il saat 17.00-dək təqdim etməlidirlər.
Yuxarıda göstərilən tarixdən gec təqdim olunan zərflər açılmadan geri qaytarılacaq.
Təklif zərfləri 31 okryabr 2012-ci il saat 10.00-da yuxarıda göstərilən ünvanda açılacaqdır.
Tenderdə iddiaçıların səlahiyyətli nümayəndələri iştirak edə bilərlər.

Tender komissiyası