Nar qədim zamanlardan bərəkət və çiçəklənmə simvoludur. Nar simvolikası, rəngi və forması, eləcə də çoxsaylılıq və müxtəlifliyin birliyi və tamlığını ifadə edən orijinal təbii daxili strukturu ilə bağlıdır.
Şərq və Qərbin müqəddəs kitablarında - Quran və İncildə bu meyvənin adı çəkilir və burada nar gözəllik və dünyanın birlik simvolu kimi verilir.
Göyçay rayonunun bağlarında bitən təravətli nar meyvəsinin şəfaverici xüsusiyyətləri isə onlara "ilahi" meyvə statusu vermişdir.

Müsabiqənin şərtləri aşağıdakılardır:
I. Müsabiqədə hər bir şəxs iştirak edə bilər.
II. Müsabiqəyə işlər materialda təqdim edilir.
III. İşin arxasında yalnız "deviz" və ya "şifr" qeyd edilir.
IV. Bağlı devizli zərfdə müsabiqə iştirakçısı aşağıdakı məlumatı qeyd edir: "deviz" və ya "şifr", soyad, ad, atanın adı, təvəllüd, işin adı, ölçüsü, texnikası, təhsil aldığı ali məktəb, ev ünvanı və telefon nömrəsi.

Ən yaxşı işlər aşağıdakı mükafatlara layiq görüləcək:
Birinci mükafat - 5.000 manat
İkinci mükafat - 3.000 manat
Üçüncü mükafat - 2.000 manat
Və 10 (on) 500 (beş yüz) manatlıq həvəsləndirici mükafat.
Müsabiqədə 1, 2 və 3-cü yerləri qazanmış işlər "AZNAR" firmasının mülkiyyətinə keçir.
İşlərin təqdim edilməsinin son tarixi 25 oktyabr 2012-ci ildir.
İşlər 15 - 25 oktyabr 2012-ci il tarixlərdə aşağıdakı ünvanda qəbul ediləcəkdir:
Bakı, Xaqani küçəsi 19, Azərbaycan Rəssamlar İttifaqı.
Məlumat telefonu: 493-62-30

Təşkilat komitəsi