Yevlax Şəhər İcra Hakimiyyəti rayonun Balçılı kəndində 180 şagird yerlik tam orta məktəb binasının tikintisi işlərinin satınalınması üçün
AÇIQ TENDER ELAN EDİR
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.
Tenderdə iştirak etmək istəyənlər 100 (bir yüz) manat məbləğində iştirak haqqını aşağıda göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Yevlax şəhəri, Azərbaycan küçəsi, 3 nömrəli ünvandan (əlaqələndirici şəxs: Elnur Məmmədov, telefon: (0166) 6-49-76 ala bilərlər.
Təşkilat: Yevlax Şəhər İcra Hakimiyyəti
Hesab: 33205019449716753268
VÖEN: 2200103611
Bank: ABB ASC-nın Yevlax filialı
Kod: 509277
Müxbir hesab: 0137010002944
SWİFT: İBAZAZ2X
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər:
- tenderdə iştirak haqqının ödənilməsi barədə bank sənədi;
- tender təklifi (zərflərin açıldığı tarixdən ən azı 30 bank günü güvvədə olmalıdır);
- tender təklifi dəyərinin 2 faizi həcmində bank təminatı (zərflərin açıldığı tarixdən ən azı 60 bank günü qüvvədə olmalıdır);
- Azərbaycan Respublikasında vergilərə, DSMF-ya və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında vergi orqanlarından arayış;
- iddiaçının son bir ildəki maliyyə vəziyyəti haqqında bank tərəfindən verilmiş arayış;
- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri.
Sənədlər Azərbaycan dilində 2 nüsxədə (əsli və surəti) tərtib olunmalıdır. Xarici dildə olan tender təklifləri Azərbaycan dilinə tərcümə olunmalıdır. Tender proseduru "Dövlət satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədləri (tender təklifi və bank zəmanəti istisna olmaqla) 27 sentyabr 2012-ci il saat 18.00-dək, tender təklifi və bank zəmanətini isə 4 oktyabr 2012-ci il saat 17.00-dək möhürlənmiş, ikiqat zərfdə Yevlax Şəhər İcra Hakimiyyətinə (Ünvan: Yevlax şəhəri, Azərbaycan küçəsi, 3) təqdim etməlidirlər.
Göstərilən vaxtdan gec təqdim olunan zərflər açılmadan geri qaytarılacaqdır.
İddiaçıların təklifləri 5 oktyabr 2012-ci il saat 11.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.

Tender komissiyası