2010/2011-ci tədris ilində aşağıdakı ixtisaslar üzrə əlavə ali təhsil (II təhsil) almaq üçün qəbul elan edir
1. Azərbaycan dili və ədəbiyyatı müəllimliyi (əyani və qiyabi) (təhsil Azərbaycan dilindədir).
2. Xarici dil müəllimliyi - (ingilis və fransız dili müəllimliyi (əyani) (təhsil Azərbaycan dilindədir).
3. Tarix müəllimliyi (əyani və qiyabi) (təhsil Azərbaycan və rus dillərindədir).
4. Tarix və çoğrafiya müəllimliyi (əyani) (təhsil Azərbaycan dilindədir).
5. Kimya müəllimliyi (əyani) (təhsil Azərbaycan dilindədir)
6. Kimya - biologiya müəllimliyi (əyani) (təhsil Azərbaycan dilindədir).
7. Biologiya müəllimliyi (əyani və qiyabi) (təhsil Azərbaycan və rus dillərindədir).
8. Riyaziyyat müəllimliyi (əyani və qiyabi) (təhsil Azərbaycan və rus dillərindədir).
9. Riyaziyyat-informatika müəllimliyi (əyani) (təhsil Azərbaycan dilindədir).
10. İnformatika müəllimliyi (əyani) (təhsil Azərbaycan dilindədir).
11. Fizika müəllimliyi (əyani) (təhsil Azərbaycan dilindədir).
12. Təhsildə sosial-psixoloji təlim (əyani) (təhsil Azərbaycan dilindədir).
13. Kooreksiyaedici təlim (əyani) (təhsil Azərbaycan dilindədir).
14. Məktəbəqədər təlim və tərbiyə (əyani və qiyabi) (təhsil Azərbaycan dilindədir).
15. İbtidai sinif müəllimliyi (əyani və qiyabi) (təhsil Azərbaycan və rus dillərindədir).
16. Coğrafiya müəllimliyi (əyani və qiyabi) (təhsil Azərbaycan dilindədir).
17. Musiqi müəllimliyi (əyani) (təhsil Azərbaycan dilindədir).
18. Təsviri incəsənət müəllimliyi (əyani) (təhsil Azərbaycan dilindədir).
19. Texnologiya müəllimliyi (əyani və qiyabi) (təhsil Azərbaycan dilindədir).
20. Fiziki tərbiyə və çağıraşaqədər hazırlıq müəllimliyi (əyani və qiyabi) (təhsil Azərbaycan dilindədir).
21. Menecment (təhsilin təşkili və idarəolunması) - (əyani). (təhsil Azərbaycan dilindədir).
22. Ekologiya - (əyani) (təhsil Azərbaycan dilindədir).
Əlavə ali təhsil müəssisə, təşkilat, idarə və ayrı-ayrı vətəndaşlarla Azərbaycan Dövlət Pedaqoji Universiteti arasında bağlanmış fərdi müqavilələr əsasında həyata keçirilir. Əvvəlki ali təhsili və ya hazırda (bir ildən az olmayaraq) işlədiyi vəzifəsi seçdiyi ixtisasa uyğun gələn şəxslər Azərbaycan Respublikası Təhsil Nazirliyinin (Əlavə Ali (orta) ixtisas təhsili almaq haqqında" Əsasnaməyə uyğun olaraq müsabiqədə iştirak edə bilərlər.
Əlavə ali təhsil almaq istəyənlər aşağıdakı sənədləri təqdim etməlidirlər:
- rektorun adına ərizə;
- ali təhsil haqqında sənədin, diplomun surəti (notarial qaydada təsdiq olunmuş) və qiymət kitabçasından çıxarış (diploma əlavə), (saatların miqdarı göstərilməklə);
- əmək kitabçasının surəti;
- işlədiyi müəssisə, təşkilat və idarələrdən göndərilənlər üçün göndəriş, zəmanət;
- 3x4 sm ölçüdə 6 ədəd rəngli fotoşəkil;
- sağlamlıq haqqında arayış;
- şəxsiyyət vəsiqəsinin surəti (notarial qaydada təsdiq olunmuş);
- təhsil haqqını ödəmək haqqında öhdəlik müqaviləsi.
Sənədlər avqustun 25-dən sentyabrın 10-dək (istirahət günlərindən başqa) saat 10.00-dan - 13.00-dək əsas binada (II mərtəbə, tədris-metodika şöbəsi, otaq 208) qəbul edilir.
Əlavə ali təhsil (II təhsil) almaq üçün universitetə sənəd vermiş şəxslərlə müsahibə aparılır. Müsahibədən uğurla keçənlər müsabiqə yolu ilə əlavə təhsil ixtisası üzrə tələbələr sırasına qəbul elilirlər. Birinci aldığı təhsilin əlavə ali təhsil ixtisasına uyğunluğundan asılı olaraq qəbul olunduğu kurs müəyyənləşdirilir.
Xaricdə təhsil almış şəxslər əlavə ali təhsil (II təhsil) almaq üçün Azərbaycan Respublikası Təhsil Nazirliyində müvafiq proseduru keçməklə şəhadətnamə almalıdırlar.
Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir.
Ünvan: Az. 1000, Bakı şəhəri, Ü. Hacıbəyov küçəsi, 34.
Telefon: (994 12) 493-15-96

{nl}

Rektorluq