Ədliyyə Nazirliyi Məhkəmə Ekspertizası Mərkəzinin kadr korpusunun şəffaf prosedurlarla peşəkar mütəxəssislər hesabına formalaşdırılması məqsədi ilə açıq müsabiqə elan edilir.
Bununla bağlı mərkəzin fəaliyyət xüsusiyyətləri, həyata keçirdiyi özünəməxsus funksiyalar nəzərə alınaraq qulluğa qəbulu tənzimləyən xüsusi Qaydalar qəbul edilmiş və Müsabiqə Komissiyası yaradılmışdır.
Bildirilir ki, vakant ştat vahidlərini tutmaq üçün müsabiqədə iştirak etmək istəyən və qanunvericiliyin tələblərinə cavab verən fizika, kimya, əczaçılıq, mühasibat uçotu və audit, maliyyə, həmçinin inşaat və nəqliyyat sahəsində mühəndislik ixtisasları üzrə ali təhsilə malik, yüksək hazırlıqlı və Azərbaycan Respublikasının təcrübəli vətəndaşları ərizə və müvafiq sənədlərini təqdim edə bilərlər.
Ərizə və sənədlər Məhkəmə Ekspertizası Mərkəzinin inzibati binasında (Bakı şəhəri, Xaqani küçəsi, 14) bütün iş günləri qəbul edilir.
Qulluğa qəbulla bağlı digər aidiyyəti məsələlərlə, o cümlədən tələb olunan sənədlərin siyahısı ilə mərkəzin internet səhifəsində (www.expert.gov.az) tanış olmaq, eləcə də 498-09-71, 493-18-52 nömrəli telefonlar vasitəsilə əlavə məlumat almaq olar.
Arzu edənlərin müsabiqədə iştiraklarından məmnun olardıq.
Ədliyyə Nazirliyinin Məhkəmə Ekspertizası Mərkəzi