AZƏRBAYCAN RESPUBLİKASI
Kredit müqaviləsi № AZB-P4 "Kiçik şəhərlərdə su təchizatı və kanalizasiya layihəsi" ixtisas uyğunluğunun qabaqcadan müəyyənləşdirilməsi üçün
D Ə V Ə T E L A N I
№. JİCA.AZB P-4.W/C-2
Bakı şəhəri, 14 iyun 2012-ci il
1. Azərbaycan Respublikası Hökuməti "Kiçik şəhərlərdə su təchizatı və kanalizasiya layihəsi"nin maliyyələşdirilməsi məqsədilə Yaponiya Beynəlxalq Əməkdaşlıq Agentliyindən kredit almışdır (29 may 2009-cu il tarixli, AZB P-4 nömrəli kredit sazişi). Kredit vəsaitlərinin bir hissəsinin bu dəvətin predmeti olan işlərin icrasına xərclənməsi nəzərdə tutulur.
2. "Azərsu" Açıq Səhmdar Cəmiyyəti (bundan sonra "sifarişçi") aşağıda qeyd olunmuş paket üzrə işləri yerinə yetirməyə iddialı olan podratçıları və yaxud firmaları ixtisas uyğunluğunun qabaqcadan müəyyənləşdirilməsi üçün müsabiqədə iştiraka dəvət edir:
Paket W2: Yevlax şəhərinin su təchizatı və kanalizasiya sistemlərinin yenidənqurulması
Bu paket üzrə yerinə yetiriləcək iş həcmi mal və materialların təchiz edilməsi, o cümlədən aşağıdakı layihə komponentlərinin tikintisindən ibarətdir:
(1) Yevlax şəhərinin su təchizatı sistemi
- Magistral su kəməri (HPDE, O 710 mm x 34.5 km);
- Xidməti su anbarı (5000 m3 x 2, o cümlədən səviyyəölçən, sərfölçən və xlorator);
- Paylayıcı su şəbəkəsi (HPDE, O 90-400 mm x 124 km);
- Ev birləşmələri və hidrantlar.
(2) Yevlax şəhərinin kanalizasiya şəbəkəsi
- Kanalizasiya şəbəkəsi (HDPE, O 200-500 mm, 129 km);
- Magistral kanalizasiya kollektoru (HDPE, O 500-800 mm, 7 km);
- Nasos stansiyası - 15 ədəd;
- Mikrotunel qazma (O 600-800mm - 1,6 km; O 400-500mm - 1.8 km);
- Ev birləşmələri.
(3) İnzibati tikililər
- İnzibati bina;
- Anbar, qaraj, emalatxana və gözətçi binası.
3. "Müsabiqəyə dəvət"in 2012-ci ilin oktyabr ayında baş tutması gözlənilir.
4. İddiaçıların ixtisas uyğunluğunun qabaqcadan müəyyənləşdirilməsi üçün Yaponiyanın ODA (İnkişafa Rəsmi Yardım) kreditləri üzrə satınalma təlimatları (Oktyabr, 1999) əks olunmuş qaydalar tətbiq olunacaqdır və bu müsabiqədə təlimatlar toplusunda müəyyən edilmiş üzv ölkələrə mənsub bütün iddiaçılar iştirak edə bilərlər.
5. Maraqlanan iddiaçılar şənbə, bazar və qeyri-iş günləri istisna olmaqla bazar ertəsindən cümə gününə qədər yerli vaxtla saat 10:00-dan 17:00-dək aşağıda qeyd olunan ünvandan əlavə məlumat əldə edə və ya həmin ünvana gələrək ixtisas uyğunluğunun qabaqcadan müəyyən edilməsi üçün sənədləri nəzərdən keçirə bilərlər.
6. Maraqlanan iddiaçı(lar) aşağıdakı ünvana yazılı müraciət təqdim edərək ixtisas uyğunluğunun qabaqcadan müəyyən edilməsi sənədlərinin tam dəstini göstərilən hesaba 150 AZN və ya 200 ABŞ dolları məbləğində geri qaytarılmayan vəsait ödəməklə əldə edə bilərlər:
Benefisiarın adı
"AZƏRSU" ASC
VÖEN: 9900001751
Sifarişçinin Bankı: Azərbaycan Respublikasının Beynəlxalq Bankı
Yerli cari hesab nömrəsi:
333020194493087118120
Xarici cari hesab nömrəsi: 333120184093087118120
Kod: 805250
SWİFT Code: İBAZAZ2X
7. İxtisas uyğunluğunun qabaqcadan müəyyənləşdirilməsi üçün müsabiqədə iştirakla bağlı ərizələr zərfə qoyulmalı, möhürlənməli və zərfin üzərində "Kiçik şəhərlərdə su təchizatı və kanalizasiya layihəsi: Paket W2 üzrə ixtisas uyğunluğunun qabaqcadan müəyyən edilməsi üçün müsabiqədə iştiraka ərizə" yazılmaqla 2012-ci il iyulun 30-dək aşağıdakı ünvana təqdim olunmalıdır.
"AZƏRSU" Açıq Səhmdar Cəmiyyəti
İlqar Tağıyev, xarici əlaqələr şöbəsinin rəisi
Azərbaycan Respublikası, Bakı şəhəri, AZ1012, Moskva prospekti, 67
Tel: +994 12 431 4767 (1033)
Faks: +994 4302911
E-poçt: [email protected]