AZƏRBAYCAN RESPUBLİKASI Kredit müqaviləsi № AZB-P4
"Kiçik şəhərlərdə su təchizatı və kanalizasiya layihəsi" ixtisas uyğunluğunun qabaqcadan müəyyənləşdirilməsi üçün
DƏVƏT ELANI
Bakı şəhəri, 25 may 2012-ci il
№. JİCA.AZB P-4.W/C-1
1.Azərbaycan Respublikası Hökuməti "Kiçik şəhərlərdə su təchizatı və kanalizasiya layihəsi"nin maliyyələşdirilməsi üçün Yaponiya Beynəlxalq Əməkdaşlıq Agentliyindən kredit almışdır (29 may 2009-cu il tarixli, AZB P-4 nömrəli kredit sazişi). Kredit vəsaitlərinin bir hissəsinin bu dəvətin predmeti olan işlərin icrasına xərclənməsi nəzərdə tutulur.
2."Azərsu" Açıq Səhmdar Cəmiyyəti (bundan sonra "Sifarişçi") aşağıda qeyd olunmuş paket üzrə işləri yerinə yetirməyə iddialı olan podratçıları və yaxud firmaları ixtisas uyğunluğunun qabaqcadan müəyyənləşdirilməsi üçün müsabiqədə iştirak etməyə dəvət edir:
Paket W1: Naftalan şəhərinin su təchizatı və kanalizasiya sistemlərinin yenidənqurulması.
Bu paket üzrə yerinə yetiriləcək iş həcmi mal və materialların təchiz edilməsindən, habelə aşağıdakı layihə komponentlərinin tikintisindən ibarətdir:
(1)Naftalan şəhərinin su təchizatı sistemi
-Magistral su kəməri (HDPE diametr 315mm x 6.4 km);
- Xidməti su anbarı (həcmi 3000 m3 olan 2 ədəd su anbarı və xlorator)
(2)Naftalan şəhərinin kanalizasiya şəbəkəsi
-Magistral kanalizasiya kollektoru-kanalizasiya xətti (HDPE, Dia. 800mm, 1.85km; HDPE, Dia. 200-600mm, 30.5km)
-Mikrotunel qazma (Dia. 600-800mm, 120m; Dia. 400-500mm, 120m)
-Ev birləşmələri (1800 ədəd)
(3)İnzibati tikililər
-İnzibati bina
-Anbar, qaraj, emalatxana və gözətçi otağı
3."Tenderə dəvət"in 2012-ci ilin avqust ayında baş tutması gözlənilir.
4.İddiaçıların ixtisas uyğunluğunun qabaqcadan müəyyənləşdirilməsi üçün Yaponiyanın ODA (İnkişafa Rəsmi Yardım) kreditləri üzrə satınalma təlimatları (oktyabr, 1999) əks olunmuş qaydalar tətbiq ediləcəkdir və bu müsabiqədə təlimatlar toplusunda müəyyən edilmiş üzv ölkələrə mənsub olan bütün iddiaçılar iştirak edə bilərlər.
5.Maraqlanan iddiaçılar şənbə və bazar günləri istisna olmaqla bazar ertəsindən cümə gününə qədər, yerli vaxtla saat 10:00-dan 17:00-dək aşağıda qeyd olunan ünvandan əlavə məlumat əldə edə və ya həmin ünvana gələrək ixtisas uyğunluğunun qabaqcadan müəyyən edilməsi üçün sənədləri nəzərdən keçirə bilərlər.
6.Maraqlanan iddiaçı(lar) aşağıdakı ünvana yazılı müraciət təqdim edərək ixtisas uyğunluğunun qabaqcadan müəyyən edilməsi sənədlərinin tam dəstini göstərilən hesaba 150 AZN və ya 200 ABŞ dolları ödəməklə əldə edə bilərlər:
Sifarişçinin adı: "AZƏRSU" ASC
INTP: 9900001751
Sifarişçinin Bankı: Azərbaycan Respublikasının Beynəlxalq Bankı
Yerli cari hesab nömrəsi:333020194493087118120
Xarici cari hesab nömrəsi: 333120184093087118120
Kod: 805250
SWIFT Code: IBAZAZ2X
7. İxtisas uyğunluğunun qabaqcadan müəyyənləşdirilməsi üçün müsabiqədə iştirakla bağlı ərizələr zərfə qoyulmalı, möhürlənməli və zərfin üzərində "Kiçik şəhərlərdə su təchizatı və kanalizasiya layihəsi: Paket W1 üzrə ixtisas uyğunluğunun qabaqcadan müəyyən edilməsi üçün müsabiqədə iştiraka ərizə" yazılmaqla 9 iyul 2012-ci ilədək aşağıdakı ünvana təqdim olunmalıdır.
"AZƏRSU" Açıq Səhmdar Cəmiyyəti
İlqar Tağıyev, Xarici əlaqələr şöbəsinin rəisi
Azərbaycan Respublikası, Bakı şəhəri, AZ1012, Moskva prospekti 67
Tel: +994 12 431 4767 (3367)
Faks: +994 4302911
E-poçt: [email protected]