Azərbaycan Hökumətinin Beynəlxalq Yenidənqurma və İnkişaf Bankı ilə birgə maliyyələşdirdiyi "Məcburi Köçkünlərin Yaşayış Şəraiti və Gəlir İmkanlarının Dəstəklənməsi Layihəsi" (8096-AZ №li kredit sazişi) çərçivəsində Azərbaycan Respublikasının Məcburi Köçkünlərin Sosial İnkişaf Fonduna (MKSİF) vəsait ayrılmışdır. Ayrılmış vəsaitin bir hissəsi məcburi köçkünlərin yaşayış şəraitinin yaxşılaşdırılmasına yönəldilmiş müxtəlif növ icma mikrolayihələrinin həyata keçirilməsinə sərf olunacaqdır.
Bununla əlaqədar MKSİF icma mikrolayihələrinin icrasına nəzarət etmək istəyən yerli texniki müşahidəçiləri MKSİF-in ofisində qeydiyyatdan keçməyə dəvət edir. Yerli texniki müşahidəçilər yalnız icma infrastruktur mikrolayihələrinin həyata keçirilməsinə nəzarət etmək üçün təyin olunacaqlar. Maraqlanan şəxslər CV (tərcümeyi-hal) və diplomun surətlərini 27 mart 2012-ci il Bakı vaxtı ilə saat 17.00-dək aşağıdakı ünvana təqdim etməlidirlər:
AZ1122, Bakı şəhəri, Tbilisi prospekti, 57D, MKSİF-in ofisi.
Tel: (99412) 431 87 03, 431 87 69;
Faks: 431 82 11 Əlaqələndirici şəxs: S.Əhmədov - MKSİF-in satınalmalar üzrə meneceri