Hacıqabul Rayon İcra Hakimiyyəti şəhərdə abadlıq işlərinin görülməsi, küçələrə asfalt örtüyünün salınması, qum-çınqıl qarışığından əsasın qoyulması, eləcə də rayonun qəsəbə və kəndlərində məktəb binasının tikintisi və əsaslı təmiri işlərinin görülməsi ilə əlaqədar 2012-ci il üçün
AÇIQ TENDER ELAN EDİR
LOT 1. Şəhərdə abadlıq işləri, küçələrə asfalt örtüyü salınması, qum-çınqıl qarışığından əsasın qoyulması.
LOT 2. Navahı qəsəbə 1 saylı tam orta məktəbdə bərpa-gücləndirmə işlərinin satınalınması.
LOT 3. Abdulabad kəndində 480 şagird yerlik tam orta məktəbin tikintisinin satınalınması.
LOT 4. Xilə kəndində 80 şagird yerlik ümumi orta məktəbin tikintisinin satınalınması.
LOT 5. Şorbaçı kəndində 220 şagird yerlik tam orta məktəbin tikintisinin satınalınması.
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər. Müqavilə il ərzində yerinə yetirilməlidir. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.
Tenderdə iştirak etmək istəyənlər aşağıdakı məbləğdə iştirak haqqını aşağıda göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Hacıqabul rayonu, Hacıqabul şəhəri, İ.Qayıbov küçəsi, 7 nömrəli ünvanda yerləşən Hacıqabul Rayon İcra Hakimiyyətindən ala bilərlər. Əlaqələndirici şəxs İsabala İsmət oğlu Cəbrayılov (əlaqə telefonu: 021- 204-22-31).
İştirak haqqı: 100 (yüz) manat
İddiaçılar iştirak haqqını aşağıdakı hesaba köçürməlidirlər.
Təşkilat: Hacıqabul YXO, Hacıqabul Rayon İcra Hakimiyyəti
Hesab: 32051019446300201163
VÖEN: 8100027051
Bank: "Kapital Bank"ın Hacıqabul Rayon filialı
Kod: 200639
VÖEN: 9900003611
Müxbir hesab: 6328010000
S.W.I.F.T. BIK: AIIBAZ 2x
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər.
-iştirak haqqının ödənilməsi barədə bank sənədi;
-iddiaçının son bir ildəki maliyyə vəziyyəti haqqında bank arayışı;
-iddiaçının hüquqi statusu, qeydiyyatdan keçdiyi ölkə və rekvizitləri;
-işləri yerinə yetirmək üçün potensial imkanları haqqında məlumat;
-tender təklifi (tender proseduru keçirildiyi tarixdən ən azı 30 bank günü müddətində qüvvədə olmalıdır);
-tender təklifi dəyərlərinin 2 faizi həcmində bank təminatı (tender proseduru keçirildiyi tarixdən ən azı 60 bank günü qüvvədə olmaqla tender təklifi ilə birlikdə təqdim edilir);
-bank təminatını tender təklifi zərfində təqdim etməyən iddiaçının tender təklifi etibarsız sayılır və qiymətləndirilməyə buraxılmır;
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanlarının arayışı.
Sənədlər Azərbaycan dilində 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
İddiaçılar tenderdə iştirak etmək üçün yuxarıda göstərilən sənədləri 15 mart 2012-ci il saat 17:00-dək təqdim etməlidirlər.
Yuxarıda göstərilən tarixdən gec təqdim olunmuş zərflər açılmadan geri qaytarılacaqdır. Tender təklifi və bank zəmanəti 19 mart 2012-ci il saat 17:00-dək təqdim olunmalıdır.
Təklif zərfləri 26 mart 2012-ci il saat 11:00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.
Tender komissiyası