Azərbaycan Respublikasının Mərkəzi Bankı yanında
Maliyyə Monitorinqi Xidməti aşağıdakı
KOTİROVKA SORĞUSUNU ELAN EDİR
Azərbaycan Respublikasının Mərkəzi Bankı yanında Maliyyə Monitorinqi Xidmətinin kompyuter şəbəkəsinin beynəlxalq şəbəkəyə çıxışının təminatı üçün keçirilmiş kotirovka sorğusu verilmiş təkliflərin sayı üçdən az olduğu üçün "Dövlət satınalmaları haqqında" Azərbaycan Respublikası Qanununun 11-ci maddəsinə əsasən 2012-ci il fevralın 24-də satınalmalar komissiyası tərəfindən baş tutmamış hesab edilmişdir. Bununla əlaqədar Maliyyə Monitorinqi Xidməti kompyuter şəbəkəsinin beynəlxalq şəbəkəyə çıxışının təminatı üçün yeni kotirovka sorğusu elan edir.
Sorğuda iştirak haqqı 30 manatdır. İştirak haqqı Azərbaycan Respublikasının Mərkəzi Bankı yanında Maliyyə Monitorinqi Xidmətinin aşağıdakı bank hesabına köçürülməlidir:
h/h 0132090008944, kod:501004, m/h 0148010001944, VÖEN Mərkəzi Bank: 9900071001, VÖEN Maliyyə Monitorinqi Xidməti: 1401672511, SWIFT NABZAZ2C
Əsas şərtlər toplusunu iştirak haqqının ödənilməsi barədə təsdiqləyici sənəd (qəbz) təqdim olunmaqla əlaqələndirici şəxsdən almaq olar.
İddiaçılar tərəfindən təqdim olunan qiymət təklifləri bütün xərclər nəzərə alınmaqla milli valyutada göstərilməlidir.
Möhürlənmiş və imzalanmış təklif zərfləri martın 5-də 2012-ci il saat 18.00-dək Maliyyə Monitorinqi Xidmətinin inzibati binasında satınalmalar komissiyasının üzvü tərəfindən qəbul ediləcək. Zərflər mart 6 2012-ci il saat 11.00-da Maliyyə Monitorinqi Xidmətinin inzibati binasında açılacaq. İddiaçılar ən azı bir gün qabaqcadan səlahiyyətli nümayəndəsinin adını yazılı surətdə satınalmalar komissiyasına bildirməklə zərflərin açılmasında iştirak etməyə dəvət olunurlar. Bu zaman həmin şəxs səlahiyyətlərini təsdiq edən müvafiq sənəd və ya vəkalətnamə təqdim etməlidir.
Sorğu ilə bağlı əlavə məlumat almaq üçün 598-20-56 (daxili nömrə 221) nömrəli telefonla əlaqələndirici şəxs Elvin Şahverdiyevə müraciət etmək olar.