Şamaxı Rayon İcra Hakimiyyəti Böyük Xınıslı , Cabanı və Hacılı kənd məktəblərinin tikintisi işlərinin satınalınması məqsədilə
AÇIQ TENDER ELAN EDİR
Tender 3 (üç) Lot üzrə keçirilir.
Lot-1 Şamaxı rayonu Böyük Xınıslı kənd məktəbinin tikintisi.
Lot-2 Şamaxı rayonu Cabanı məktəbinin tikintisi.
Lot-3 Şamaxı rayonu Hacılı məktəbinin tikintisi.
Tender iştirakçılarına təklif edilir ki, öz tender təkliflərini möhürlənmiş, imzalanmış ikiqat zərflərdə yazılı surətdə təqdim etsinlər.
Müqavilələri yerinə yetirmək üçün tender iştirakçıları lazımi malıyyə və texniki imkanlara malik olmalıdırlar.
Tenderdə iştirak etmək istəyənlər 3 (üç) Lot üzrə aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş tenderin əsas şərtlər toplusunu H.Əliyev küçəsi, 27 saylı ünvanda yerləşən Şamaxı Rayon İcra Hakimiyyətindən (telefon: (0176) 5-42-10) ala bilərlər.
İştirak haqqı hər bir lot üçün 150 manatdır. İddiaçılar iştirak haqqını aşağıdakı hesaba köçürməlidirlər.
Təşkilat: Şamaxı rayon yerli xəzinədarlıq orqanı
Hesablaşma hesabı: 32051019447300201173
VÖEN: 8400082981
Bank: "Kapital Bank"ın Şamaxı filialı
Kod: 200736
VÖEN: 9900003611
Müxbir hesab: 0137010001944
SWİFT.BİK AİİBAZ2X
İştirak haqqı heç bir halda geri qaytarılmır.
İştirakçılar tenderdə iştirak etmək üçün aşağıdakı sənədləri təqdim etməlidirlər:
- tenderdə iştirak etmək üçün ərizə;
- tenderdə iştirak haqqının ödənilməsi barədə bank sənədi;
- tender təklifi (zərflərin açıldığı tarixdən ən azı 30 bank günü müddətində qüvvədə olmalıdır);
-tender təklifi dəyərinin 1 faizi həcmində (təklif təminatı) bank zəmanəti (zərflərin açıldığı tarixdən ən azı 60 bank günü müddətinə qüvvədə olmalıdır);
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanları tərəfindən arayış;
-iddiaçının son bir il ərzində maliyyə vəsaiti barədə bank tərəfindən verilmiş arayış;
- iddiaçının tam adı , hüquqi statusu, nizamnaməsi, qeydiyyatdan keçdiyi ölkə və rekvizitləri;
- müvafiq mallar üzrə mənşə və uyğunluq sertifikatları;
- analoji işlərdə təcrübəsi, iddiaçının potensial texniki və kadr imkanları haqqında məlumat.
Sənədlər Azərbaycan dilində 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədləri (tender təklifi və bank zəmanəti istisna olmaqla) 4 aprel 2012-ci il saat 17.00-a qədər, tender təklifi və bank təminatını isə möhürlənmiş ikiqat zərfdə 2012-ci il aprelin 11-də saat 18.00-a qədər təqdim etməlidirlər. Yuxarıda göstərilən tarixdən gec təqdim olunan zərflər açılmadan geri qaytarılacaqdır.
Təklif zərfləri 12 aprel 2012-ci il saat 10.00 da yuxarıda göstərilən ünvanda açılacaqdır. İddiaçıların səlahiyyətli nümayəndələri iştirak edə bilərlər.
Tender komissiyası