İctimai Televiziya və Radio Yayımları Şirkəti aşağıdakı tikinti-quraşdırma işlərinin
- İnzibati binada foyenin interyerinin quraşdırılması; - tamaşaçı zalının quraşdırılması; - yeraltı avtomobil dayanacağının tikintisi; - fəvvarənin quraşdırılması; - antenlərin quraşdırılması üçün meydançanın tikintisi və abadlıq işlərinin satınalınması ilə əlaqədar
AÇIQ TENDER ELAN EDİR
Tender iştirakçılarına təklif edilir ki, öz tender təkliflərini möhürlənmiş, imzalanmış ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlarına malik olmalıdırlar.
Tenderdə iştirak etmək istəyənlər Azərbaycan Respublikasının "Dövlət satınalmaları haqqında" Qanununun 6 və 7-ci maddələrinə əsasən 300 manat məbləğində iştirak haqqını göstərilən hesaba köçürdükdən sonra Azərbaycan dilində tərtib olunmuş tenderin əsas şərtlər toplusunu Bakı şəhəri, A. Şərifzadə küçəsi, 241 nömrəli ünvanda yerləşən İctimai Televiziya və Radio Yayımları Şirkətindən (əlaqələndirici şəxs: Ş. Nəcəfova tel: 430-85-25) ala bilərlər.
İddiaçılar iştirak haqqını aşağıdakı hesaba köçürməlidirlər.
Təşkilat: İctimai Televiziya və Radio Yayımları Şirkəti
Hesab: 2147720633060
VÖEN: 2000435761
"Dəmirbank" ASC-nin Əməliyyat İdarəsi filialı
Kod: 508308
VÖEN: 9900001471
Müxbir hesab: 0137010011944
S.W.İ.F.T.: AZER AZ 22
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri 28 mart 2012-ci ilə qədər təqdim etməlidirlər:
-tenderdə iştirak etmək üçün ərizə;
-tenderdə iştirak haqqının ödənilməsi barədə bank sənədi;
-tender təklifi (zərflərin açıldığı tarixdən sonra ən azı 30 bank günü müddətində qüvvədə olmalıdır);
-tender təklifinin dəyərinin 1 faizi həcmində (təklifin təminatı) bank zəmanəti (zərflərin açıldığı tarixdən ən azı 60 bank günü müddətində qüvvədə olmalıdır);
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanları tərəfindən arayış;
-iddiaçının son bir il ərzində maliyyə vəziyyəti haqqında bank tərəfindən verilmiş arayış;
-iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;
-müvafiq mallar üzrə mənşə və uyğunluq sertifikatları;
-analoji işlərdə təcrübəsi, iddiaçının potensial texniki və kadr imkanları haqqında rəsmi məlumat.
Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədlərdən əlavə iş qrafiki, tender təklifi, bank zəmanətini möhürlənmiş ikiqat zərflərdə 5 aprel 2012-ci il saat 17.00-dək təqdim etməlidirlər.
Yuxarıda göstərilən tarixdən gec təqdim olunan zərflər açılmadan geri qaytarılacaqdır.
Təklif zərfləri 6 aprel 2012-ci il saat 10.00-da yuxarıda göstərilən ünvanda açılacaqdır.
Tenderdə iddiaçıların səlahiyyətli nümayəndələri iştirak edə bilərlər.

Tender komissiyası