Azərbaycan Respublikası Daxili İşlər Nazirliyinin Tibb İdarəsi
2012-ci il üçün tələb olunan dərman preparatları və sarğı ləvazimatlarının satınalınması ilə əlaqədar
AÇIQ TENDER ELAN EDİR
Tender 2 (iki) lot üzrə keçirilir.
Lot-1. Şəkərli və şəkərsiz diabetdə işlənən dərman preparatları, ümumi dərman preparatları, laborator reaktivlər, rentgen və flüoroqrafiyada işlənən materialların, sarğı materialları və tibbi ləvazimatların satın alınması.
Dərman və sarğı materialları ilə təchiz olunma müddəti bir ildir.
Lot-2. Rentgen və ultrasəs müayinə aparatlarının satın alınması. Avadanlıqların təchiz olunma müddəti bir ildir.
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə, ikiqat zərflərdə yazılı surətdə təqdim etsinlər.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə iştirak etmək istəyənlər Azərbaycan dilində tərtib olunmuş əsas şərtlər toplusunu Bakı şəhəri, Azadlıq prospekti, 161 nömrəli ünvandan (əlaqələndirici şəxs İsgəndərov Nadir. Tel: 590-96-31) ala bilərlər.
İştirak haqqı: 140 manat
Təşkilat:
DİN-in Tibb İdarəsi
Hesab: 33205019449328518204
VÖEN: 1700341621
Bank: Azərbaycan Beynəlxalq Bankı Mərkəzi filialı
Kod: 805722
VÖEN: 9900001881
Müxbir hesab: 0137010002944
İştirak haqqı heç bir halda geri qaytarılmır.İştirakçılar tenderdə iştirak etmək üçün aşağıdakı sənədləri təqdim etməlidirlər:
-tenderdə iştirak etmək üçün yazılı müraciət;
-tenderdə iştirak haqqının ödənilməsi barədə bank sənədi;
-tender təklifı (zərflərin açıldığı tarixdən sonra 30 bank günü qüvvədə olmalıdır);
-tender təklifi dəyərinin 1 faizi həcmində bank zəmanəti (zərflərin açıldığı gündən sonra 60 bank günü müddətində qüvvədə olmalıdır);
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanlarından arayışlar (arayışların əsilləri və tarixləri tender elanından sonra olmalıdır);
-iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti (forma 1 və forma 2);
-iddiaçının son bir ildəki maliyyə vəziyyəti haqqında bank arayışı;
-müvafiq mallar üzrə mənşə və uyğunluq sertifikatları.
Sənədlər Azərbaycan dilində 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət Satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxanda göstərilən sənədləri (tender təklifi və bank zəmanəti istisna olmaqla) 9 mart 2012-ci il saat 17.00-a qədər, tender təklifi və bank zəmanətini isə möhürlənmiş və imzalanmış ikiqat zərfdə 16 mart 2012-ci il saat 17.00-a qədər DİN-in Tibb İdarəsinə (ünvan: Bakı şəhəri, Azadlıq prospekti, 161) təqdim etməlidirlər.
Göstərilən vaxtdan gec təqdim olunan zərflər açılmadan geri qaytarılacaqdır.
İddiaçıların təklifləri 19 mart 2012-ci il saat 12.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.
Tender komissiyası