Tender 2 lot üzrə keçirilir.
Lot - 1. Cari və əsaslı təmir işlərinin yerinə yetirilməsi üçün tikinti materiallarının satınalınması.
Lot - 2. Avtomaşın, traktor, ekskavator və buldozerlər üçün ehtiyat hissələrinin satınalınması.
Tender iştirakçılarına təklif edilir ki, öz təkliflərini möhürlənmiş, imzalanmış, ikiqat bağlamada yazılı surətdə təqdim etsinlər.
Təkliflərin qiymətləndirilməsində aşağıdakı meyarlara üstünlük veriləcəkdir: aşağı qiymət, yüksək keyfiyyət, müqavilənin vaxtında yerinə yetirilməsi, analoji işlərdə təcrübəsi, maliyyə vəziyyəti. Müqavilənin yerinə yetirilməsi üçün tender iştirakçıları texniki və maliyyə imkanlarına malik olmalıdırlar. Tenderdə iştirak etmək istəyənlər lotlar üzrə aşağıdakı məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Qax rayonu, Qax baş kəndi, Suvarma Sistemləri İdarəsindən (əlaqələndirici şəxs: E.Xudeynatov tel: 0144-4-30-23) ala bilərlər.
İştirak haqları:
Lot 1-50 manat
Lot 2-50 manat
Təşkilat Qax SSİ
Hesab: 32051019447100201171
VÖEN: 4300088331
Bank: "Kapital bank" ın ASC Qax filialı
Kod: 200714
VÖEN: 9900003611
M/h: 0137010001944
S.W.İ.F.T BİK AİİBAZ 2x
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər.
-tenderdə iştirak etmək üçün yazılı müraciət;
-tenderdə iştirak haqqının ödənilməsi haqqında bank sənədi;
- tender təklifi (zərflərin açıldığı tarixdən ən azı 30 bank günü qüvədə olmalıdır);
-tender təklifinin dəyərinin 1 faizi miqdarında bank təminatı ( zərflərin açıldığı gündən ən azı 60 bank günü qüvvədə olmalıdır);
-Azərbaycan Respublikasında vergilərə və digər icbarı ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanlarından arayış;
-iddiaçının son bir ildəki maliyyə vəziyyəti haqqında vergi orqanları tərəfindən təsdiq olunmuş maliyyə hesabatının surəti;
-iddiaçının son bir ildəki maliyyə vəziyyəti haqqında bank arayışı;
-müvafiq mallar üzrə mənşə və uyğunluq sertifikatı.
Digər sənədlər: müflis elan olunmaması, əmlakı üzərinə həbs qoyulmaması, girovun olmaması, məhkəmənin qərarı ilə fəaliyyətinin dayandırılmaması barədə, maddi- texniki bazası, işçi sayı, əsas vəsaitləri barədə geniş arayış.
Sənədlər Azərbaycan dilində, 2 nüsxədə, (əsli və surəti) tərtib olunmalıdır (xarici dildə olan tender təklifləri Azərbaycan dilinə tərcümə olunmalıdır).
Tender proseduru "Dövlət Satınalmaları haqqında" Qanuna uyğun keçiriləcəkdir.
İddiaçılar tenderdə iştirak etmək üçün yuxarıda göstərilən sənədləri (tender təklifi və bank zəmanəti istisna olmaqla) 17 yanvar 2012-ci il saat 18.00-a qədər, təklifi və bank zəmanətlərini isə möhürlənmiş ikiqat zərfdə 25 yanvar 2012-ci il saat 18.00-a qədər Qax rayonu, Qax baş kəndi, Suvarma Sistemləri İdarəsinə təqdim etməlidirlər.
Göstərilən vaxtdan gec təqdim olunmuş zərflər açılmayacaqdır.
İddiaçıların təklifləri 26 yanvar 2012-ci il saat 10.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.

Tender komissiyası