Azərbaycanın İlk Mobil Operatoru "Bakcell" şirkəti məmnunluq hissi ilə bildirir ki, cəlbedici təkliflər və qiymətlərlə 3G xidmətlərinin kommersiya istifadəsinə verilməsindən sonra "Bakcell"in 3G istifadəçilərinin sayı sürətlə artır." Bakcell"-in 3G xidmətinin məqsədi şirkətin abunəçiləri üçün yeni imkanlar yaratmaqdır. CİN, Klass və Gold abunəçiləri daxil olmaqla bütün "Bakcell" istifadəçiləri 3G texnologiyasının üstünlüklərindən faydalana bilərlər.
Abunəçilərinə ən yaxşı qiymət və keyfiyyət təqdim etmək məqsədi daşıyan tarif siyasətinə sadiq qalan "Bakcell" ən sərfəli qiymətlərlə yüksək keyfiyyətli 3G xidmətlərini onların ixtiyarına verir. "Biz öz abunəçilərimizə 2 növ 3G tarifi təqdim edirik: smartfon və 3G telefonları üçün "sür@" adlanan mobil internet paketi, kompyuter və digər cihazlar vasitəsilə geniş zolaqlı mobil internetdən istifadə edənlər üçün limitsiz internet paketi" - deyə, "Bakcell"in Baş İcraçı Direktoru Riçard Şirer bildirir.
"Çox yüksək sürətli "sür@" xidməti vasitəsilə internetdə axtardığınız hər şey sizdən yalnız bir "düymə" məsafəsində olacaq. "Bakcell"in eksklüziv dükanlarında abunəçilər mobil telefonların, kompyuterlərin, data kartların, Mi-Fi modemlərinin və cihazlarının, planşetlərin ən geniş çeşidlərini tapa və təcrübədən keçirə, eyni zamanda, düzgün seçim etmək üçün mütəxəssislərlə məsləhətləşə və yüksək səviyyəli xidmətdən yararlana bilərlər. Çox yüksək sürətli "sür@" mobil internet vasitəsilə dünya sizə daha yaxın olacaq" - deyə, "Bakcell"in baş kommersiya direktou Krasimir Genov bildirir.