-sosial iş;
-nəqliyyat servisi;
-beynəlxalq münasibətlər;
-turizm və otelçilik;
-menecment (turizmdə);
-marketinq;
Əlavə təhsil ödənişli formada idarə, müəssisə, təşkilat və ayrı-ayrı vətəndaşlarla Azərbaycan Turizm İnstitutu arasında bağlanmış fərdi müqavilələr əsasında həyata keçirilir. Əvvəlki ali təhsil və ya hazırda (1 ildən az olmayaraq) işlədiyi vəzifəsi seçdiyi ixtisasa uyğun gələn şəxslər institutun müəyyənləşdirdiyi qaydalar əsasında müsabiqədə iştirak edə bilərlər.
Əlavə təhsil almaq istəyənlər aşağıdakı sənədləri təqdim etməlidirlər:
-rektorun adına ərizə;
-ali təhsil haqqında sənədin (diplomun) surəti və qiymət kitabçasından çıxarış (diploma əlavə (saatların miqdarı göstərilməklə, notariatda təsdiq edilməklə);
-əmək kitabçasının surəti (notariatda təsdiq edilməklə);
-işlədiyi müəssisə, təşkilat və idarələrdən göndəriş, zəmanət;
-sağlamlıq haqqında arayış;
-pasport və şəxsiyyət vəsiqəsinin surəti;
-3x4 sm. ölçüdə 6 ədəd fotoşəkil.
Sənədlər may ayının 30-dan iyunun 30-dək (istirahət günlərindən başqa) saat 10.00-dan 17.00-dək əsas binada (III mərtəbə, 303 saylı otaq) qəbul edilir.
Əlavə təhsil almaq üçün instituta sənəd vermiş şəxslərlə müsahibə aparılır. Müsahibədən uğurla keçənlər müsabiqə yolu ilə əlavə təhsil ixtisası üzrə tələbələr sırasına qəbul edilirlər. Aldığı ilk ali təhsil ixtisaslarının uyğunluğundan asılı olaraq abituriyent müvafiq kurslara qəbul edilir və təhsil müddəti müəyyənləşdirilir.
Təhsil əyani və qiyabi şöbələrdə Azərbaycan və rus dillərindədir.
Xaricdə təhsil almış şəxslər ikinci təhsil almaq üçün Azərbaycan Respublikası Təhsil Nazirliyində müvafiq prosedur (nostrifikasiya) keçməklə şəhadətnamə aldıqdan sonra sənədlərini təqdim edə bilərlər.
Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir.
Ünvan: Bakı şəhəri, Koroğlu Rəhimov küçəsi, 822/23
Telefonlar: (+99412) 564-42-33;564-54-11
Fax: (+99412) 5644234
E-mail: [email protected] URL:WWW/tourism.edu.az (ABU Arenanın yanı)

Rektorluq