Azərbaycan Respublikasının Mərkəzi Bankında istismarda olan informasiya sistemlərinin texniki və proqram platformalarının dəstəklənməsi və surətçoxaltma aparatlarına texniki xidmətin göstərilməsi üçün tenderin nəticələrinə dair
E L A N
Azərbaycan Respublikasının Mərkəzi Bankı bununla bildirir ki, bankda istismarda olan informasiya sistemlərinin texniki və proqram platformalarının dəstəklənməsi və surətçoxaltma aparatlarına texniki xidmətin göstərilməsi üçün 2 lotdan ibarət tenderdə iştirak etmiş iddiaçıların təklifləri qiymətləndirilmiş və qiymətləndirmənin nəticələrinə görə tender komissiyasının 4 avqust 2011-ci il tarixli qərarı ilə 1-ci lotda Oracle platformasının lisenziyasının dəstəklənməsi üzrə "GTSolutions" şirkəti, Elektron Kargüzarlıq Sisteminin və Elektron imza üzrə Sertifikatlaşma Mərkəzinin lisenziyalarının, Elektron imza üzrə Sertifikatlaşma Mərkəzinin proqram platformasının, habelə Elektron Kargüzarlıq Sisteminin, Elektron imza üzrə Sertifikatlaşma Mərkəzinin texniki platformalarının dəstəklənməsi üzrə "Sinam" şirkəti, Baş Mühasibat və AZİPS Real Vaxt Recimində Banklararası Hesablaşmalar Sistemlərinin texniki platformalarının dəstəklənməsi üzrə "RİSK Elmi İstehsalat Şirkəti", Lokal şəbəkənin dəstəklənməsi üzrə "Bestcomp Group" şirkəti qalib elan edilmiş və həmin şirkətlərlə 8 avqust 2011-ci il tarixdə müvafiq satınalma müqavilələri imzalanmışdır.
2-ci lot üzrə yalnız bir iddiaçı tərəfindən tender təklifi təqdim edildiyindən həmin lot üzrə "Dövlət satınalmaları haqqında" Azərbaycan Respublikası Qanununun 11-ci maddəsinə uyğun olaraq tenderin davamından imtina edilmişdir.

Tender komissiyası