Bakı Şəhər Nizami Rayon İcra Hakimiyyəti Keşlə qəsəbəsi, Babək prospekti, 2269-cu məhəllədə 640 şagird yerlik məktəb binasının tikintisi üçün
TƏKLİFLƏR SORĞUSU PROSEDURUNA DƏVƏT EDİR
Maraqlanan təşkilatlar öz təkliflərini imzalanmış, möhürlənmiş, ikiqat bağlamada, yazılı surətdə təqdim etməlidirlər.
Təkliflərin qiymətləndirilməsində aşağıdakı meyarlara üstünlük veriləcəkdir: aşağı qiymət, yüksək keyfiyyət, minimum müddət, podratçıların ixtisas göstəricilərinin uyğunluğu.
Təkliflər sorğusu ilə əlaqədar məlumat almaq üçün əlaqələndirici şəxsə müraciət edə bilərsiniz:
Əlaqələndirici şəxs - Qəribova Səadət
Ünvan: Nizami rayonu, Q.Qarayev prospekti 65a, otaq № 18
Tel: (+99412) 422-10-34
Maraqlananlar əsas şərtlər toplusunu (əsas şərtlər toplusu Azərbaycan dilində hazırlanmışdır) yuxarıdakı ünvandan ala bilərlər.
Podratçılar iddiaçı statusu almaq və təkliflər sorğusunda iştirak etmək üçün aşağıdakı sənədləri (rəsmi blanklarda və möhürlə təsdiq olunmuş qaydada) təqdim etməlidirlər:
1) İştirak etmək üçün yazılı müraciət;
2) Təklif (zərflər açıldığı gündən sonra ən azı 30 bank günü müddətində qüvvədə olmalıdır);
3) Təklifin birinci əlavəsi kimi təklifin qiymətinin 2% həcmində təklifin təminatı - bank zəmanəti (zərflərin açıldığı gündən sonra ən azı 60 bank günü müddətində qüvvədə olmalıdır);
4) Podratçı haqqında tələb olunan sənədlər:
- podratçının tam adı, hüquqi statusu, qeydiyyatdan keçdiyi ölkə və rekvizitləri;
- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanlarından arayış;
- podratçının maliyyə vəziyyəti haqqında bank arayışı;
- podratçının ixtisas göctəriciləri haqqında məlumat.
Podratçılar qeyd olunan sənədləri 17 avqust 2011-ci il saat 18:00-a qədər yuxarıda göstərilən ünvana təqdim etməlidirlər.
Göstərilən vaxtdan gec təqdim olunan zərflər açılmadan geri qaytarılacaqdır.
Təklif zərfləri 18 avqust 2011-ci il saat 11:00-da Bakı şəhəri Nizami Rayon İcra Hakimiyyətində (ünvan: Q.Qarayev prospekti 65a, otaq №19) açılacaqdır.

Tender komissiyası