Azərbaycan Dövlət Akademik Opera və Balet Teatrı dekorasiya materiallarının satınalınması üçün təkrar
AÇIQ TENDER ELAN EDİR
Tender 1 (bir) lot üzrə keçirilir.
LOT-1. Dekorasiya materiallarının alınması.
Tender iştirakçılarına təklif edilir ki, öz tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar.
Tenderdə iştirak etmək istəyənlər Lot-1 üzrə 250 (iki yüz əlli) manat məbləğində iştirak haqqını aşağıda göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu Bakı şəhəri, 28 May küçəsi, 8 nömrəli ünvandan (əlaqələndirici şəxs: Babayev Yuriy Çingizoviç, telefon: 493-61-05) ala bilərlər.
Təşkilat: Azərbaycan Dövlət Akademik Opera və Balet Teatrı Hesab: 33307019449327254120 VÖEN: 1400312651 ABB "Bakı filialı" Kod: 805045 VÖEN: 9900001881 Müxbir hesab: 0137010002944 SWIFT: İBAZAZ2X İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər:
-tenderdə iştirak haqqının ödənilməsi barədə bank sənədi;
-tender təklifi (zərflərin açıldığı tarixdən ən azı 30 bank günü qüvvədə olmalıdır);
-tender təklifi dəyərinin 2 faizi həcmində bank təminatı (zərflərin açıldığı tarixdən ən azı 60 bank günü qüvvədə olmalıdır);
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında vergi orqanlarından arayış;
-iddiaçının son bir ildəki maliyyə vəziyyəti haqqında bank tərəfindən verilmiş arayış;
-iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri.
Sənədlər Azərbaycan dilində 2 nüsxədə (əsli və surəti) tərtib olunmalıdır. Xarici dildə olan tender təklifləri Azərbaycan dilinə tərcümə olunmalıdır.
Tender proseduru "Dövlət satınalmaları haqqında" qanuna uyğun keçiriləcəkdir. İddiaçılar tenderdə iştirak etmək üçün yuxarıda göstərilən sənədləri (tender təklifi və bank zəmanəti istisna olmaqla) 22 iyun 2011-ci il saat 18.00-dək, tender təklifi və bank zəmanəti isə 4 iyul 2011-ci il saat 17.00-dək möhürlənmiş, ikiqat zərfdə Azərbaycan Dövlət Akademik Opera və Balet Teatrına (Ünvan: Bakı şəhəri, 28 May küçəsi, 8) təqdim etməlidirlər. Göstərilən vaxtdan gec təqdim olunan zərflər açılmadan geri qaytarılacaqdır. İddiaçıların təklifləri 5 iyul 2011-ci il saat 14.00-da yuxarıda göstərilən ünvanda açılacaqdır. İddiaçıların səlahiyyətli nümayəndələri iştirak edə bilərlər.
Tender komissiyası