cedvel

MÜSTƏQİL AUDİTOR RƏYİ 

    “AZƏRİSTİLİKTƏCHİZAT” ASC-nin  idarə heyətinə

    Biz “AZƏRİSTİLİKTƏCHİZAT” ASC-nin və onun törəmə müəssisələrinin (birlikdə - qrup) 2017-ci il dekabrın 31-nə  maliyyə vəziyyəti haqqında birləşdirilmiş (konsolidə edilmiş) hesabatı və həmin tarixə bitən il üzrə mənfəət , zərər və məcmu mənfəət, pul vəsaitlərinin hərəkəti və kapitalda dəyişikliklər haqqında birləşdirilmiş (konsolidə edilmiş) hesabatları, habelə, mühüm mühasibat uçotu siyasətlərinin xülasəsi və digər izahedici məlumatları özündə əks etdirən əlavə olunmuş birləşdirilmiş (konsolidə edilmiş) maliyyə hesabatlarının auditini apardıq.

    Rəhbərliyin birləşdirilmiş (birləşdirilmiş (konsolidə edilmiş)) maliyyə hesabatları ilə bağlı məsuliyyəti

    Rəhbərlik maliyyə hesabatları üzrə beynəlxalq standartlara müvafiq olaraq birləşdirilmiş (konsolidə edilmiş) bu maliyyə hesabatlarının hazırlanması və düzgün təqdim edilməsi, eləcə də saxtakarlıq ,yaxud səhv nəticəsində yaranmasından asılı olmayaraq mühüm təhriflərin olmadığı birləşdirilmiş (konsolidə edilmiş) maliyyə hesabatlarının hazırlanması üçün rəhbərliyin qənaətinə görə zəruri sayılan daxili nəzarət sisteminə görə məsuliyyət daşıyır.

    Auditorun məsuliyyəti

    Bizim məsuliyyətimiz apardığımız auditə əsasən birləşdirilmiş (konsolidə edilmiş) bu maliyyə hesabatlarına dair rəy bildirməkdən ibarətdir.

    Biz auditi beynəlxalq audit standartlarına müvafiq olaraq həyata keçirdik. Bu standartlar bizdən etik tələblərə riayət etməyimizi, eləcə də birləşdirilmiş (konsolidə edilmiş) maliyyə hesabatlarında mühüm təhriflərin olmadığına kifayət qədər əminliyin əldə edilməsi məqsədilə auditi planlaşdırmağımızı və həyata keçirməyimizi tələb edir.

    Audit zamanı birləşdirilmiş (konsolidə edilmiş) maliyyə hesabatlarındakı məbləğ və açıqlamalara dair audit sübutlarının əldə olunması ilə bağlı prosedurlar yerinə yetirilir. Prosedurlar auditorun mühakiməsi, o cümlədən birləşdirilmiş (konsolidə edilmiş) maliyyə hesabatlarında saxtakarlıq, yaxud səhv nəticəsində baş verməsindən asılı olmayaraq mühüm təhriflərlə bağlı risklərin qiymətləndirilməsindən asılı olaraq seçilir. Belə risk qiymətləndirmələrini həyata keçirərkən auditor şəraitə uyğun audit prosedurlarının planlaşdırılması məqsədilə müəssisənin daxili nəzarət sistemini, həmin sistemin səmərəliliyi  barədə rəy bildirmək üçün deyil, müəssisə tərəfindən birləşdirilmiş (konsolidə edilmiş) maliyyə hesabatlarının düzgün hazırlanması və təqdim edilməsi ilə bağlı fikir formalaşdırır. Auditə, həmçinin, rəhbərlik tərəfindən tətbiq edilən mühasibat uçotu qaydalarının müvafiqliyinin və irəli sürülmüş mühasibat hesablamalarının əsaslı olduğunun qiymətləndirilməsi, habelə birləşdirilmiş (konsolidə edilmiş) maliyyə hesabatlarının ümumi təqdimatının dəyərləndirilməsi daxildir.

     Bizcə,  rəyimizi bildirmək üçün əsas verən kifayət qədər  uyğun audit sübutu əldə etmişik.

    Rəy,

    Fikrimizcə, birləşdirilmiş (konsolidə edilmiş) maliyyə hesabatları bütün əhəmiyyətli aspektlər baxımından ASC-nin 2017-ci il  dekabrın 31-nə konsolidə olunmuş maliyyə vəziyyətini və həmin tarixə bitən il üzrə maliyyə nəticələri və pul vəsaitlərinin hərəkətini maliyyə hesabatları üzrə beynəlxalq standartlara müvafiq olaraq düzgün əks etdirir.

Sərbəst auditor- Qarayev Vüsal Məmmədrəsul oğlu .                

Bakı şəhəri,27 iyun 2018-ci il .