Azərbaycan Respublikası Səhiyyə Nazirliyi Bakı Şəhər Baş Səhiyyə İdarəsinin tabeliyində tibb müəssisələrinə 2011-ci ildə alınacaq malların satın alınması məqsədilə
AÇIQ TENDER ELAN EDİR
Tender 5 (beş) Lot üzrə keçirilir:
Lot - 1 Dəftərxana mallarının alınması;
Lot - 2 Təsərrüfat mallarının alınması;
Lot - 3 Tibbi və uçot blanklarının alınması;
Lot - 4 Yuyucu maddələrin alınması;
Lot - 5 İdarənin digər xərcləri.
Tender iştirakçılarına təklif edilir ki, "Dövlət Satınalmaları haqqında" Azərbaycan Respublikası Qanununa uyğun olaraq yuxarıda göstərilən lotlar üzrə öz tender təkliflərini möhürlənmiş, imzalanmış şəkildə ikiqat bağlı zərfdə yazılı surətdə təqdim etsinlər. Təkliflərin qiymətləndirilməsində aşağıdakı meyarlara üstünlük veriləcəkdir: aşağı qiymət, yüksək keyfiyyət, müqavilənin vaxtında yerinə yetirilməsi, analoji işlərdə təcrübəsi, maliyyə vəziyyəti.
Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Malların təchizatı cədvəli hər ay müəyyən edilmişdir və 30 dekabr 2011-ci il tarixə kimi nəzərdə tutulmuşdur.
Tenderin əsas şərtlər toplusu Azərbaycan dilində hazırlanmışdır.
Tenderlə əlaqədar məlumat almaq istəyənlər əlaqələndirici şəxsə müraciət edə bilərlər.
Əlaqələndirici şəxs: Hüseynov Xanlar
Telefon: 495-38-28
Ünvan: Bakı Şəhər Baş Səhiyyə İdarəsi, M. Qasımov küçəsi, 1.
Maraqlananlar lotlar üzrə əsas şərtlər toplusunu aşağıdakı məbləğdə iştirak haqqı ödədikdən sonra yuxarıdakı ünvandan ala bilərlər.
Lot - 1 - 350 manat
Lot - 2 - 200 manat
Lot - 3 - 350 manat
Lot - 4 - 250 manat
Lot - 5 - 350 manat.
İştirakçılar iştirak haqqını aşağıdakı hesaba köçürməlidirlər.
ADI: MNDXA - nın 8 saylı Xəzinədarlıq İdarəsi
Hesab: NAS 702001 AZN 320101
BANK: ARBB Nəsimi filialı
KODU: 805614
VÖEN: 9900001881
MÜXBİR HESAB: 0137010002944
S.W.İ.F.T BİK: İBAZAZ2X
HESAB N 33205019449702001207
KİTAB: N1/160
VÖEN: 1401555911
İştirak haqqı heç bir halda geri qaytarılmır.
İştirakçılar tenderdə iştirak etmək üçün 9 may 2011-ci il saat 18.00 -a aşağıdakı sənədləri təqdim etməlidirlər:
- Tender prosedurunda iştirak etmək üçün yazılı müraciət;
- iştirak haqqının ödənilməsi barədə bank sənədi;
- iddiaçının son bir illik maliyyə vəziyyəti barədə bank arayışı;
- iddiaçının hüquqi statusunu təsdiq edən sənədlər: rekvizitləri, qeydiyyat şəhadətnaməsinin, nizamnaməsinin və lisenziyanın surəti;
- iddiaçının potensial imkanlarının olması haqqında texniki məlumat.
Azərbaycan Respublikasında vergilərə və digər icbari ödənişlərə dair təmin edilməmiş öhdəliklərin olub - olmaması haqqında arayış.
İddiaçıların tender təklifləri Azərbaycan Respublikasının dövlət dilində tərtib olunmalıdır.
Tender təklifi 2 nüsxədə (əsli və surəti) tender təklifi dəyərinin 1,0% -i həcmində bank təminatı ilə birlikdə 18 may 2011-ci il saat 18.00-a qədər ikiqat zərfdə bağlanmış və möhürlənmiş şəkildə M. Qasımov küçəsi, 1 nömrəli ünvanda yerləşən Bakı Şəhər Baş Səhiyyə İdarəsinə təqdim olunmalıdır.
Tender təklifi tender proseduru keçirildiyi tarixdən ən azı 30 bank günü qüvvədə olmalıdır.
Tender təklifi dəyərinin 1 faizi həcmində bank təminatı tender proseduru keçirildiyi tarixdən ən azı 60 bank günü qüvvədə olmaqla tender təklifi ilə birlikdə təqdim olunur. Bank təminatını tender təklifi zərfində təqdim etməyən iddiaçının tender təklifi etibarsız sayılır və qiymətləndirilməyə buraxılmır.
İddiaçıların tender zərfləri Bakı şəhəri, M. Qasımov küçəsi, 1 nömrəli ünvanda yerləşən Bakı Şəhər Baş Səhiyyə İdarəsinin mərkəzi mühasibatlığında 19 may 2011-ci il saat 10.00-da açılacaqdır.
İddiaçıların səlahiyyətli nümayəndələri iştirak edə bilərlər.
Tender komissiyası