Azərbaycan Milli Elmlər Akademiyası İşlər İdarəsinin obyektlərində 2011-ci ildə aparılacaq əsaslı təmir və yenidənqurma işlərinin satınalınması məqsədilə
AÇIQ TENDER ELAN EDİR
Tender 2 LOT üzrə keçiriləcəkdir.
LOT-1- AMEA-nın H.Cavid prospekti, 31 nömrəli ünvanda yerləşən əsas binasında təmir-yenidənqurma işləri (davamı).
LOT-2- kimya problemləri institutunun inzibati binasında əsaslı təmir və yenidənqurma işləri (davamı).
Maraqlananlar LOT-1 üzrə 1000 (min), LOT-2 üzrə 500 (beş yüz) manat məbləğində tenderdə iştirak haqqını aşağıda göstərilən hesaba köçürdükdən sonra tenderin əsas şərtlər toplusunu ala bilərlər.
Azərbaycan Milli Elmlər Akademiyasının İşlər İdarəsi, VÖEN 1700007431, h/h 33205019449328518204, MN DXA-nın 1 saylı Xəzinədarlıq İdarəsi, ABB Mərkəz filialı, VÖEN 9900001881, kod 805722, m/h 0137010002944 SWIFT İBAZAZ 2x.
İştirak haqqı heç bir halda geri qaytarılmır.
Malgöndərənlər (podratçılar) iddiaçı statusu qazanmaq üçün aşağıdakı sənədləri rəsmi blankda və möhürlə təsdiq olunmuş qaydada təqdim etməlidirlər:
1.tenderdə iştirak etmək üçün yazılı müraciət;
2.iştirak haqqının ödənilməsini təsdiq edən bank sənədi;
3.tender təklifi (zərflər açıldığı gündən sonra ən azı 30 bank günü müddətində qüvvədə olmalıdır);
4.tender təklifi qiymətinin 2 faizi həcmində təklifin bank zəmanəti (zərflər açıldığı gündən sonra ən azı 60 bank günü müddətində qüvvədə olmalıdır);
5.malgöndərən (podratçı) haqqında tələb olunan sənədlər;
-malgöndərənin (podratçının) tam adı, hüquqi statusu, qeydiyyatdan keçdiyi ölkə və rekvizitləri;
-nəzərdə tutulan işləri həyata keçirmək üçün xüsusi razılıq (lizenziya);
-malgöndərənin (podratçının) ixtisas göstəricilərinə dair məlumat;
-malgöndərənin (podratçının) son bir ildəki maliyyə vəziyyəti barədə bank arayışı;
-Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş ohdəliklərin olub-olmaması haqqında müvafiq vergi orqanından arayış;
-son bir ildəki maliyyə fəaliyyəti haqqında vergi orqanları tərəfindən təsdiq olunmuş bəyannamənin surəti;
-sənədlər təqdim olunan vaxtda DSMF-yə verilmiş hesabatın surəti və DSMF-nin arayışı;
-məhkəmə araşdırmalarına cəlb olunub-olunmaması barədə məlumat;
-son bir ildə yerinə yetirilmiş analoji işlər barədə ətraflı məlumat.
Malgöndərən (podratçılar) 1-ci, 2-ci və 5-ci bəndlərdə qeyd olunan sənədləri 18 aprel 2011-ci ilə qədər tender komissiyasına təqdim etməlidir.
Tenderlə əlaqədar əlavə məlumat almaq üçün maraqlananlar əlaqələndiri şəxs M.Əliyarova ( telefon 012-492-54-44) müraciət edə bilərlər.
İddiaçılar tender təklifini və təklifin bank zəmanətini imzalanmış, möhürlənmiş, ikiqat bağlanmış zərfdə 27 aprel 2011-ci il saat 17.00-dək Bakı şəhəri, İstiqlaliyyət küçəsi, 10 nömrəli ünvanda yerləşən AMEA Rəyasət Heyətinin inzibati binasında tender komissiyasına təqdim etməlidirlər.
Göstərilən vaxtdan gec təqdim olunan zərflər açılmadan geri qaytarılacaqdır.
Təklif zərfləri 28 aprel 2011-ci il saat 11.00-da AMEA RH-nin kiçik iclas zalında açılacaqdır.
Açılışda iddiaçıların səlahiyyətli nümayəndələri iştirak edə bilərlər.
Tender proseduru "Dövlət satınalmaları haqqında" Azərbaycan Respublikası Qanununun tələblərinə uyğun keçiriləcəkdir.

Tender komissiyası