Azərbaycan Respublikası Mərkəzi Bankı poliqrafiya məhsullarının çap edilməsi ilə bağlı
TENDER ELAN EDİR
1. AMB-nin poliqrafiya məhsullarının (illik hesabat, aylıq statistik bülleten,rüblük icmallar və sertifikat blankları) çapı ilə əlaqədar "Dövlət Satınalmaları haqqında" Azərbaycan Respublikası Qanununa müvafiq olaraq açıq tender keçirir.
Tender proseduru 8 aprel 2011-ci il saat 15.00-da Azərbaycan Respublikası Mərkəzi Bankının inzibati binasında (Bakı şəhəri, R.Behbudov küçəsi, 32) keçiriləcəkdir.
2. Tenderdə iştirak etmək üçün iddiaçı aşağıdakı sənədləri təqdim etməlidir:
- Tenderdə iştirak üçün ərizə;
- iddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) notariat qaydasında təsdiq edilmiş surətləri;
- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
- tenderdə iştirak haqqının ödənilməsi haqqında bank arayışı;
- Azərbaycan dilində iki nüsxə (əsli və surəti) tender təklifi (23 may tarixədək qüvvədə olmalıdır);
- tender təklifinin qiymətinin 2 (iki) faizi məbləğində bank təminatı (tenderin əsas şərtlər toplusuna əlavə edilən bank təminatı formasında və 2011-ci il iyulun 7-dək qüvvədə olması şərti ilə);
- son bir ildəki maliyyə vəziyyəti barədə bank arayışı;
- vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması barədə vergi orqanından arayış (xarici iddiaçılar üçün məlumat);
- iddiaçının poliqrafiya məhsullarının çapı sahəsində ən azı üç illik təcrübəsi haqqında məlumat (sifarişçi təşkilatların adı və digər əlaqə məlumatları barədə);
- tenderin əsas şərtlər toplusunda nəzərdə tutulan digər sənədlər (məlumatlar).
3. İddiaçı tender təklifini və tender təklifinin bank təminatını 7 aprel 2011-ci il saat 18.00-a qədər ikiqat zərfdə imzalanmış, möhürlənmiş, digər tələb olunan sənədləri isə ən geci 29 mart 2011-ci il saat 18.00-a qədər bağlı zərfdə imzalanmış, möhürlənmiş, Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasına təqdim etməlidir. Göstərilən vaxtdan gec təqdim olunmuş zərf və sənədlər açılmadan geri qaytarılacaq və iddiaçı tenderdən kənarlaşdırılacaqdır.
4. İddiaçılar tenderdə iştirak haqqı kimi Azərbaycan Respublikası Mərkəzi Bankının aşağıdakı hesabına 100 manat məbləğində vəsait köçürməlidirlər: Azərbaycan Respublikasının Mərkəzi Bankı,
hesab № 0170690001944
kod 501004,
VÖEN 9900071001,
Mərkəzi Bankın Ödəniş Sistemləri və Hesablaşmalar Departamenti.
5. İşlərin görülməsinə başlanma vaxtı: satınalma müqaviləsi imzalandıqdan sonra.
6. Xidmətin göstərilməsi müddəti: 12 ay.
7. Təkliflər maliyyə və texniki amillər (iş təcrübəsi, ödəniş şərtləri, işlərin icra müddəti, çap məhsulunun texniki xarakteristikası və keyfiyyət) əsasında qiymətləndiriləcəkdir.
8. Tenderdə iştirak etmək istəyən şəxslər iştirak haqqının ödənilməsi barədə bank arayışını təqdim edərək Mərkəzi Bankın Bakı şəhəri, R.Behbudov küçəsi, 32 nömrəli ünvanda yerləşən inzibati binasından Azərbaycan dilində tərtib edilmiş tenderin əsas şərtlər toplusunu əldə edə bilərlər. Əlaqələndirici şəxs: Əfqan Baxışov (Hüquq Departamentinin əməkdaşı). Telefon: 493-11-22 (482).{nl}

Tender komissiyası