Azərbaycan Respublikası Ərazilərin Bərpası və Yenidənqurulması üzrə Agentlik (AYBA) Azərbaycan Respublikası büdcəsinin vəsaiti hesabına Bakı şəhəri, Ziya Bünyadov prospekti, 3 nömrəli ünvanda yerləşən Milli Arxiv İdarəsinin köhnə binalarının təmir və bərpa işlərinin davam etdirilməsi üçün
AÇIQ TENDER KEÇİRİR
Tenderin keçirilməsində əsas məqsəd yuxarıda qeyd olunan tender predmeti üzrə nəzərdə tutulmuş mürəkkəb tipli işlərin beynəlxalq standartlara tam cavab verən tələblərlə aparılması məqsədilə yüksək texniki və maliyyə potensialına malik, peşəkar və səriştəsi olan podratçı təşkilatların tenderə dəvət edilməsidir.
Tenderin keçirilməsində Azərbaycan Respublikasının "Dövlət Satınalmalar Haqqında" Qanununun alqı-satqı şərtləri əsas tutulacaqdır.
Tender iştirakçıları öz təkliflərini 2 nüsxədən ibarət olan möhürlənmiş zərflərdə təqdim etməlidirlər (əsli və surəti).
İddiaçıların tenderdə iştirak etmək üçün göstəriciləri aşağıdakı meyarları tam əhatə etməlidir:
-İddiaçıların son 3 ildə ən azı 1 və ya 2 müvəffəqiyyətlə yüksək kateqoriyalı arxiv obyektləri üzrə təcrübəsi olmalıdır (obyektlərin siyahısı, ünvanları, müasir texnologiyaları və xüsusi avadanlıqların quraşdırılması, o cümlədən icra olunmuş işlərin məbləğini göstərməklə);
-tikinti-bərpa işlərinin yerinə yetirilməsi üçün iddiaçının idarəetmə səriştəsi, lazımi texniki, maliyyə və professional imkanları olmalıdır;
-işlərin görülməsi üçün iddiaçının sərbəst vəsaitlərinin olması haqqında arayış (işlərin aparılması üçün iddiaçının ən azı ehtimal qiyməti həcmində sərbəst vəsaiti olmalıdır);
-iddiaçının son 3 ildə maliyyə dövriyyəsi obyektin bərpası üzrə təklif etdiyi qiymətindən 5 dəfə çox olmalıdır (hər il üzrə) və bu haqda iddiaçı təsdiqedici sənədləri təqdim etməlidir;
-iddiaçının ən azı 1,0 mln. manat məbləğində səlahiyyətli bankdan kreditin alınması imkanı olmalıdır və bu imkan haqqında təsdiqedici sənəd təqdim olunmalıdır;
-Azərbaycan Respublikasında vergilərə və digər icbari ödənişlərə dair öhdəliklərin olub-olmaması barədə vergi orqanlarından rəsmi arayışlar;
-iddiaçının son üç ildəki maliyyə vəziyyəti haqqında bank arayışları;
-iddiaçıların kredit borclarının olmaması haqqında bank arayışları;
-iddiaçının son bir ildəki fəaliyyəti haqqında vergi orqanı tərəfindən təsdiq edilmiş maliyyə hesabatının surəti (forma 1 və forma 2);
-iddiaçının lazımi qədər avadanlıqları, xüsusi mexanizmləri və özünün işçi qüvvəsinin tərkibində yüksək ixtisaslı mütəxəssisləri olmalıdır.
Bərpa Agentliyi tərəfindən əvvəllər keçirilən tenderlərdə iddiaçıların axırıncı 3 ildə icra və bərpa etdikləri obyektlərin yüksək keyfiyyətlə və vaxtında istifadəyə verilməsi bir qayda olaraq nəzərə alınacaqdır.
Tender haqqında hərtərəfli məlumat almaq üçün iddiaçılar aşağıdakı ünvana müraciət edə bilərlər:
Azərbaycan Respublikası, Bakı şəhəri, İbrahimpaşa Dadaşov küçəsi, 60, III mərtəbə. Əhməd Əhmədov - Əməliyyatlar üzrə menecer Tel. (99412) 5617281; Faks: (99412) 5617098.
Tenderdə iştirak etmək üçün iddiaçılar yazılı sorğu və sənədlər toplusu üçün geri qaytarılmayan 2,0 min manat məbləği Bərpa Agentliyinin hesabına:
Azərbaycan Respublikası Beynəlxalq Bankı, Bakı filialı, Kod 805045; VÖEN 9900001881;
Müxbir Hesab: 0137010002944;
S.W.I.F.T.,
BIK: IBAZAZ 2X.
Azərbaycan Respublikası Ərazilərin Bərpası və Yenidən Qurulması üzrə Agentlik, Hesab №-si: JJS 33304029449330720120, VÖEN 1400294891) köçürülməlidir.
Möhürlənmiş zərflərdə tender təklifləri 5 aprel 2011-ci il yerli vaxtla saat 14.00-dək yuxarıda göstərilən ünvanda qəbul ediləcək.
Tenderin açılması proseduru 6 aprel 2011-ci il saat 14.30-da Bərpa Agentliyində keçiriləcəkdir.{nl}

Azərbaycan Respublikası Ərazilərin Bərpası və Yenidənqurulması üzrə Agentliyin Tender komissiyası