Bakıda və Abşeron yarımadasında dəyişkən buludlu olacağı, gün ərzində əsasən yağmursuz keçəcəyi gözlənilir. Arabir güclənən şimal-qərb küləyi əsəcək, günün ikinci yarısında mülayimləşəcək. Gecə 3-5, gündüz 7-10, Bakıda gecə 3-5, gündüz 8-10 dərəcə isti olacaq. Atmosfer təzyiqi 765 mm civə sütunundan 770 mm civə sütununadək yüksələcək, nisbi rütubət gecə 85-90, gündüz 65-75 faiz olacaq.

Naxçıvan Muxtar Respublikasında əsasən yağmursuz keçəcək.Bəzi yerlərdə zəif duman olacaq.Qərb küləyi əsəcək, arabir güclənəcək. Gecə 4-9 dərəcə şaxta , gündüz 2 dərəcə şaxtadan 3 dərəcəyədək isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində əsasən yağmursuz keçəcək.Gecə və səhər bəzi yerlərdə zəif duman olacaq.Qərb küləyi əsəcək, arabir güclənəcək. Gecə 3-7 dərəcə şaxta, gündüz 0-4 dərəcə isti olacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində əsasən yağmursuz keçəcək.Bəzi yerlərdə duman olacaq.Qərb küləyi əsəcək, arabir güclənəcək. Gecə 0-4 dərəcə şaxta, gündüz 6-9 dərəcə isti olacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar-Xaçmaz bölgələrində gecə və səhər duman olacaq.Şərq rayonlarında az yağıntı olacağı ehtimalı var. Qərb küləyi əsəcək, arabir güclənəcək. Gecə 0-4 dərəcə şaxta, gündüz 2-7 dərəcə isti, dağlarda gecə 4- 8 dərəcə şaxta, gündüz 3 dərəcə şaxtadan 2 dərəcəyədək isti olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında gecə və səhər duman, çiskin olacaq.Qərb küləyi əsəcək, arabir güclənəcək. Gecə 3 dərəcə şaxtadan 2 dərəcəyədək isti, gündüz 5-10 dərəcə isti olacaq.

Masallı- Lənkəran- Astara- Lerik, Yardımlı bölgəsində bəzi yerlərdə yağıntılı olacağı ehtimalı var.Səhər dağlarda duman olacaq. Şimal-şərq küləyi əsəcək, arabir güclənəcək. Gecə 4-6, gündüz 7-10 dərəcə isti, dağlarda gecə 0-4 dərəcə şaxta, gündüz 4-7 dərəcə isti olacaq.