Bakıda və Abşeron yarımadasında gecə əsasən yağmursuz keçəcək. Mülayim cənub-qərb küləyi əsəcək, arabir güclənəcək. Gecə 0-3, gündüz 5-8 dərəcə isti, Bakıda gecə 1- 3, gündüz 6-8 dərəcə isti olacaq. Atmosfer təzyiqi 764 mm civə sütunundan 752 mm civə sütununa enəcək, nisbi rütubət gecə 75-85, gündüz 60-65 faiz olacaq.

Naxçıvan Muxtar Respublikasında əsasən yağmursuz keçəcək. Bəzi yerlərdə duman olacaq. Gənub- şərq küləyi əsəcək, arabir güclənəcək. Gecə 10-15 dərəcə şaxta, gündüz 1-6 dərəcə isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində əsasən yağmursuz keçəcək. Səhər bəzi yerlərdə duman olacaq. Cənub küləyi əsəcək, arabir güclənəcək. Gecə 5-10 dərəcə şaxta, gündüz 1 dərəcə şaxtadan 4 dərəcəyədək isti, bəzi yerlərdə 7 dərəcəyədək isti olacaq. Gecə və səhər yollar buz bağlayacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində əsasən yağmursuz keçəcək. Cənub-şərq küləyi əsəcək. Gecə 4-9 dərəcə şaxta, gündüz 2- 7 dərəcə isti olacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində əsasən yağmursuz keçəcək. Bəzi yerlərdə duman olacaq. Cənub küləyi əsəcək, arabir güclənəcək. Gecə 0-5 dərəcə şaxta, gündüz 4-8 dərəcə isti, dağlarda gecə 8-13, gündüz 3-5 dərəcə şaxta, yüksək dağlıq ərazilərdə havanın minimal temperaturu 10-15 dərəcə şaxta olacaq. Gecə və səhər yollar buz bağlayacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Gecə və səhər duman olacaq. Cənub küləyi əsəcək, arabir güclənəcək. Gecə 2 dərəcə şaxtadan 3 dərəcəyədək isti, gündüz 4-9 dərəcə isti olacaq.

Masallı-Lənkəran-Astara-Lerik, Yardımlı bölgələrində əsasən yağmursuz keçəcək. Səhər bəzi yerlərdə duman olacaq. Cənub küləyi əsəcək, dağlarda arabir güclənəcək. Gecə 1-3, gündüz 4-8 dərəcə isti, dağlarda gecə 7-12 dərəcə şaxta, gündüz 0-4 dərəcə isti olacaq. Gecə və səhər yollar buz bağlayacaq.