Bakıda və Abşeron yarımadasında 11-dən 12-nə keçən gecə fasilələrlə az qar yağacağı, səhər kəsiləcəyi, gün ərzində əsasən yağmursuz keçəcəyi gözlənilir. Şimal-qərb küləyi gündüz cənub küləyi ilə əvəz olunacaq. Abşeronda gecə 2-6, gündüz 1 dərəcə şaxtadan 2 dərəcəyədək isti, Bakıda gecə 3-5 dərəcə şaxta, gündüz 1 dərəcə şaxtadan 2-dərəcəyədək isti olacağı gözlənilir. Atmosfer təzyiqi normadan yüksək 776 mm civə sütunu təşkil edəcək. Nisbi rütubət 80-90 faiz, gündüz 60-70 faiz olacaq. Yollar buz bağlayacaq.

Naxçıvan Muxtar Respublikasında əsasən yağmursuz keçəcək. Bəzi yerlərdə duman olacaq. Şərq küləyi əsəcək. Gecə 6-11, gündüz 3 dərəcə şaxtadan 2 dərəcəyədək isti olacağı gözlənilir. Yollar buz bağlayacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində əsasən yağmursuz keçəcək. Bəzi yerlərdə duman olacaq. Şərq küləyi əsəcək. Gecə 12-17, gündüz 1-6 dərəcə şaxta olacağı gözlənilir. Yollar buz bağlayacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində əsasən yağmursuz keçəcəyi gözlənilir. Bəzi yerlərdə duman olacaq, Şərq küləyi əsəcək. Gecə 3-7, gündüz 0- 3 dərəcə şaxta olacaq. Yollar buz bağlayacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində əsasən yağmursuz keçəcəyi gözlənilir. Lakin gecə və axşam bəzi şərq rayonlarında az qar yağacağı ehtimalı var. Bəzi yerlərdə duman olacaq. Şərq küləyi əsəcək. Gecə 8-12, gündüz 0-5 dərəcə şaxta, dağlarda gecə 15-20, gündüz 5-10 dərəcə şaxta, yüksək dağlıq ərazilərdə havanın minimal temperaturu 18-23 dərəcə şaxta olacağı gözlənilir. Yollar buz bağlayacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Lakin gecə və səhər bəzi yerlərdə az qar yağacağı ehtimalı var. Bəzi yerlərdə duman olacaq. Şərq küləyi əsəcək. Gecə 0-5 dərəcə şaxta, gündüz 1-6 dərəcə isti olacağı gözlənilir. Yollar buz bağlayacaq.

Masallı-Lənkəran-Astara-Lerik, Yardımlı bölgələrində əsasən yağmursuz keçəcək. Lakin gecə və səhər bəzi yerlərdə az qar yağacağı ehtimalı var. Bəzi yerlərdə duman olacaq. Şərq küləyi əsəcək. Gecə 0-5 dərəcə şaxta, gündüz 0-2 dərəcə isti, dağlarda gecə 5-10, gündüz 2-5 dərəcə şaxta olacağı gözlənilir. Yollar buz bağlayacaq.