Bakıda və Abşeron yarımadasında gün ərzində bəzi yerlərdə az yağıntılı olacağı, axşama doğru qar yağacağı gözlənilir. Gündüz mülayim şimal-qərb küləyi əsəcək, axşama doğru arabir güclənəcək. Gecə 0 dərəcəyə yaxın, gündüz 1-5 dərəcə isti, Bakıda gecə 0 dərəcəyə yaxın, gündüz 2-4 dərəcə isti olacaq. Atmosfer təzyiqi 768 mm civə sütunundan 765 mm civə sütununa enəcək, nisbi rütubət 85-95 faiz olacaq.

Naxçıvan Muxtar Respublikasında arabir zəif qar yağacağı, duman olacağı gözlənilir. Qərb küləyi əsəcək. Gecə 5-10 dərəcə şaxta, gündüz 1-6 dərəcə isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində bəzi yerlərdə qar yağacağı gözlənilir. Ayrı-ayrı yerlərdə duman olacaq. Qərb küləyi əsəcək, gündüz arabir güclənəcək. Gecə 5-10, gündüz 3 dərəcə şaxtadan 2 dərəcəyədək isti olacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində əsasən yağmursuz keçəcək. Günün ikinci yarısından başlayaraq yağıntılı olacağı, axşama doğru qar yağacağı gözlənilir. Qərb küləyi əsəcək, gündüz arabir güclənəcək. Gecə 1-6 dərəcə şaxta, gündüz 0-5 dərəcə isti olacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində bəzi yerlərdə qar yağacağı gözlənilir. Ayrı-ayrı yerlərdə duman olacaq. Qərb küləyi əsəcək, gündüz arabir güclənəcək. Gecə 3-7 dərəcə şaxta, gündüz 2 dərəcə şaxtadan 3 dərəcəyədək isti, dağlarda gecə 8-13, gündüz 2-7 dərəcə şaxta, yüksək dağlıq ərazilərdə havanın minimal temperaturu 15-20 dərəcə şaxta olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Səhər ayrı-ayrı yerlərdə duman olacaq. Lakin axşama doğru bəzi yerlərdə yağıntılı olacağı, qar yağacağı gözlənilir. Qərb küləyi əsəcək, gündüz arabir güclənəcək. Gecə 0-4 dərəcə şaxta, gündüz 1-6 dərəcə isti olacaq.

Masallı-Lənkəran-Astara-Lerik, Yardımlı bölgələrində bəzi yerlərdə az yağıntılı olacağı, axşama doğru qar yağacağı gözlənilir. Dağlarda duman olacaq. Şimal-şərq küləyi əsəcək, axşama doğru arabir güclənəcək. Gecə 0-2, gündüz 2-6 dərəcə isti, dağlarda gecə 5-10 dərəcə şaxta, gündüz 1 dərəcə şaxtadan 2 dərəcəyədək isti olacaq.