Koreya Respublikasının Pxençxan şəhərində XII Qış Paralimpiya Oyunları ümumkomanda hesabında ABŞ idmançılarının qələbəsi ilə başa çatmışdır. Onlar vətənlərinə 36 medal–13 qızıl, 15 gümüş və 8 bürünc mükafat aparmışlar.

İkinci yeri Rusiya paralimpiyaçıları tutmuş–8 qızıl, 10 gümüş, 6 bürünc medal, üçüncü mükafata isə Kanada komandası sahib olmuşdur–8+4+16.

Yaxın xaric ölkələrindən Rusiya ilə yanaşı Ukrayna (7+7+8), Belarus (4+4+4) və Qazaxıstan da (1 qızıl mükafat) medal qazanmış ölkələr sırasındadırlar.

Paralimpiadanın sahibləri Koreya Respublikası idmançıları komanda hesabında 1 qızıl və 2 bürünc mükafatla 17-ci olmuşlar.

Növbəti, XIII Qış Paralimpiya Oyunları 2022-ci ilin mart ayında Çin Xalq Respublikasının paytaxtı Pekində keçiriləcəkdir.

O. BAYRAMOV,
“Xalq qəzeti”