Azərbaycanın Topaz Premyer Liqasında 20-ci turun oyunlarının  nəticələri: “Keşlə” – “Qəbələ” – 1:1, “Zirə” – “Səbail” – 1:1, “Neftçi” – “Qarabağ” – 0:0, “Sumqayıt” – “Kəpəz” – 2:1.

Turda qeydə alınmış  yeganə qələbə “Sumqayıt” komandası üçün çox yerinə düşmüşdür. Oyundan-oyuna  daha  əzmkar, daha iddialı kollektiv təsiri  bağışlayan Sumqayıt klubu növbəti müvəffəqiyyət sayəsində turnur cədvəlində üçüncü pilləyə yüksəlmişdir.

Üçüncü dövrənin finişinə bir tur qalmış “Sumqayıt”ın 34, dördüncü pilləyə düşən “Zirə”nin 33 xalı var. Lider “Qarabağ”la (49  xal) “Qəbələ” (39) arasındakı fərq  isə əvvəlkitək 10 xala bərabərdir.

Milli çempionatımızda  növbəti oyunlar  aprelin 1-2-də keçiriləcəkdir: “Kəpəz” – “Zirə”, “Qarabağ”– “Keşlə”, “Qəbələ”– “Sumqayıt”, “Neftçi” – “Səbail”.

“Xalq qəzeti”