Pxençxanda (Koreya Respublikası) davam edən XII Qış Paralimpiya Oyunlarında növbəti yarış günündən sonra  ABŞ komandası medal qazanmış ölkələrin siyahısında özünün lider mövqeyini bir qədər də möhkəmləndirmişdir. Martın 12-də keçirilmiş startlara yekun vurulduqda məlum olmuşdur ki, amerikalılar medallarının sayını 15-ə çatdırmışlar – 6 qızıl, 5 gümüş, 4 bürünc  mükafat.

Olimpiadanın liderlər qrupunu təşkil edən birinci beşliyə həmçinin Fransa (3 qızıl, 3 gümüş, 3 bürünc medal), Ukrayna (3+2+4), Rusiya (3+2+1) və Kanada (3+1+3) daxildirlər.

Bu gün paralimpiyaçılar daha  bir neçə növdə medallar uğrunda mübarizə aparırlar.

“Xalq qəzeti”