“Dərnəgül” Voleybol Mərkəzində qadın komandaları arasında Azərbaycan Superliqasının 7-ci turunda “Azərreyl” növbəti qələbə qazanmışdır. Çempionatda hələ bir dəfə də “büdrəməyən” lider bu dəfə Azərbaycan Voleybol Federasiyasının (AVF) komandasını 3:1 hesabı ilə məğlubiyyətə uğratmışdır.

Turun digər oyununda “Abşeron” elə bir çətinlik çəkmədən “Lokomotiv”ə üç hissədə qalib gəlmişdir–3:0.

Yeddi turdan sonra yüzfaizli nəticə ilə liderlik edən “Azərreyl”in 21 xalı vardır. “Abşeron” 15 xalla ikinci mövqedədir, üçüncü yeri tutan AVF 6 xal toplamışdır. “Lokomotiv” isə bütün görüşlərdə uduzmuşdur.

“Xalq qəzeti”