Azərbaycan bədii gimnastları Latviya paytaxtında keçirilmiş “Baltik həlqəsi” beynəlxalq turnirində yüksək səviyyəli hazırlıqları ilə diqqət mərkəzində olmuş və çoxlu alqış qazanmışlar.

Riqada təmsilçilərimizə təqdim olunmuş iki gümüş və iki bürünc medal onların yerinə yetirdikləri təmrinlərin hakimlər tərəfindən yüksək qiymətləndirildiyini təsdiq edir.

Dərya Fərşbəfsəhriyari və Arzu Cəlilova dörd hərəkətdə çıxışlarının yekununda komanda hesabında bürünc mükafat qazanmışlar.

Dərya şəxsi yarışlarda daha iki medala sahib olmuşdur–topla hərəkətləri yerinə yetirməkdə gümüş, həlqə ilə təmrinlərdə bürünc mükafat.

Daha bir gümüş medala isə gürzlərlə təmrinlərin icrasında fərqlənmiş Zöhrə Ağamirova layiq görülmüşdür.

“Xalq qəzeti”