Futbol aləmi qarşıdakı yayda Rusiyada keçiriləcək dünya çempionatına bir qədər də yaxınlaşmışdır. Planetin bütün guşələrində səbirsizliklə gözlənilən mundiala indi cəmi 100 gün qalır.

Rusiya informasiya agentliklərinin yaydığqları xəbərlərə görə, bu günlərdə ölkənin bir çox şəhərində dünya çempionatına həsr olunmuş müxtəlif tədbirlər keçirilir. Özü də bu tədbirlər təkcə dünya çempionatı görüşlərinin oynanılacağı Moskva, Sankt-Peterburq, Kalininqrad, Volqoqrad, Kazan, Nijni Novqorod, Samara, Saransk, Rostov, Soçi və Yekaterinburqda deyil, digər şəhərlərdə də təşkil olunur.

Rusiyanın ilk dəfə təşkilatçısı olacağı futbol üzrə dünya çempionatı iyunun 14-dən iyulun 15-dək keçiriləcəkdir. Mundiala iyunun 14-də Moskvanın “Lujniki” stadionunda Rusiya–Səudiyyə Ərəbistanı görüşü ilə start veriləcəkdir.

O.BAYRAMOV,
“Xalq qəzeti”