Bu gün Gəncədə “Kəpəz”–“Səbail” görüşü və Sumqayıtda eyniadlı yerli klubun “Qarabağ”la gərgin mübarizə vəd edən oyunu ilə Azərbaycanın Topaz Premyer Liqasında 18-ci tura start veriləcək.

Turun digər iki görüşündə sabah “Qəbələ” futbolçuları öz şəhərlərində “Neftçi”ni qəbul edəcək, “Zirə” isə “Keşlə” ilə “münasibətləri aydınlaşdıracaq”.

Bu tur ərəfəsində 44 xalla turnir cədvəlinə başçılıq edən Ağdam klubunun zirvədə mövqeyi kifayət qədər möhkəmdir. Çempionluq mübarizəsində “Qarabağ”ın əsas rəqibi “Qəbələ” (35) liderdən 9 xal geri qalır. Üçüncü yeri tutan “Zirə”nin isə 32 xalı vardır.

“Xalq qəzeti”