Qadın voleybol komandaları arasında Azərbaycan Superliqasının 6-cı turunun oyunları olmuşdur. “Dərnəgül” Voleybol Mərkəzində keçirilmiş hər iki görüşdə 3:0 hesabı qeydə alınmışdır.

Sonuncu çempion və indiki çempionatın lideri “Azərreyl” komandası “Abşeron”u məğlubiyyətə uğradaraq özünün qələbələr seriyasını davam etdirmiş, Azərbaycan Voleybol Federasiyasının (AVF) komandası isə “Lokomotiv”dən güclü olmuşdur.

Altı turdan sonra 18 xala malik “Azərreyl” turnirdə itkisiz irəliləyir. İkinci mövqedə olan “Abşeron” 12 xal toplamış, üçüncü yeri tutan AVF-nin isə 6 xalı var.

“Xalq qəzeti”