Moskvada səkkizinci dünya  çempionu Mixail Talın xatirəsinə həsr edilən 11-ci beynəlxalq şahmat turniri start ərəfəsindədir.

Ümumi mükafat fondu 150 min ABŞ dolları olan turnirdə, artıq xəbər verdiyimiz kimi, Azərbaycan şahmatının lideri Şəhriyar Məmmədyarov da çıxış edəcək. Qrossmeysterimizin rəqibləri isə rusiyalılar Vladimir Kramnik, Aleksandr Qrişuk, Pyotr Svidler, Sergey Karyakin, Yan Nepomnyaşi, Daniil Dubov, ABŞ təmsilçisi Hikaru Nakamura, hindistanlı Vişvanatan Anand, israilli Boris Gelfand olacaq.

Turnir iştirakçıları martın 2-4-də rapid yarışının (9 tur) mükafatları uğrunda mübarizə aparacaq, martın 5-də isə blits görüşlərində (13 tur) qarşılaşacaqlar.

O. BAYRAMOV,
“Xalq qəzeti”