Qrossmeyster Rauf Məmmədov Moskvada finişə çatmış “Aeroflot Open–2018” beynəlxalq şahmat festivalının “A”turnirində sonuncu rəqibi hindistanlı Aravind Çitambaram üzərində qələbə qazansa da, mükafatçılar sırasına daxil ola bilməmişdir. Doqquz mümkün xaldan 6 xal toplayan şahmatçımız yekun cədvəlində 10-cu yerlə kifayətlənməli olmuşdur. Turnirin baş mükafatını belaruslui Vladislav Kovalyov (7 xal) qazanmışdır.

“B” qrupunda çıxış etmiş təmsilçilərimiz Vüqar Əsədli (6 xal) və Nərmin Xələfova da (4,5) fəxri kürsüdən kənarda qalmışlar. Bu yarışın qalibi 7,5 xalla Mixail Mojarov (Rusiya) olmuşdur.

“Xalq qəzeti”