Ria Novosti agentliyi Beynəlxalq Futbol Federasiyasının (FİFA) baş katibi Fatma Samuraya istinadla bildirmişdir ki, Rusiya hakimiyyət orqanları 2018-ci ildə futbol üzrə dünya çempionatının ən yüksək səviyyədə keçirilməsi üçün hər şey edir.

F. Samura jurnalistlərə demişdir:–Biz Rusiyada aparılan işlərə görə minnətdarıq. FİFA və Rusiya hakimiyyət orqanları iştirakçılara ən yüksək səviyyədə xidmət göstərilməsi üçün hər şey edirlər. Bizim hamımız üçün böyük  bir an yaxınlaşır. Biz Yer üzündə ən böyük şouya hazırlaşırıq.

Xatırladaq ki, Rusiyada dünya çempionatı iyunun 14-dən iyulun 15-dək keçiriləcəkdir.

O.BAYRAMOV,
“Xalq qəzeti”