Qadınlar arasında şahmat üzrə Azərbaycan çempionatında finişə bir tur qalmış Xanım Balacayeva qızıl medala daha yaxındır. Səkkizinci turda Türkan Məmmədyarova ilə heç-heçə oynamış vahid liderin 6 xalı vardır.

Hərəyə 5,5 xala malik Zeynəb Məmmədyarova, Gülnar Məmmədova və Günay Məmmədzadə ikinci-dördüncü yerləri bölüşdürürlər.

Çempionatın qalib və mükafatçıları bu gün keçiriləcək sonuncu, doqquzuncu turda müəyyənləşəcək. Finişdə Balacayeva Nərmin Söyünlü ilə görüşəcək, Z. Məmmədyarova Məmmədzadəyə, T.Məmmədyarova isə Məmmədovaya qarşı oynayacaq.

“Xalq qəzeti”