Azərbaycan şahmatçıları Moskvada keçirilən ənənəvi “Aeroflot Open” festivalının üçüncü turunda daha iki qələbə qazanmışlar.

“A” turnirində Rauf Məmmədov argentinalı Alan Piçota qalib gəlmiş, “B” qrupunda isə Vüqar Əsədli Çin təmsilçisi Gi Çeni məğlubiyyətlə barışmağa məcbur etmişdir. Bu turnirdəki digər şahmatçımız Nərmin Xələfova Aleksandr Demyanuka (Rusiya) uduzmuşdur.

Üç turdan sonra hesabında 2 xal olan Məmmədov turnir cədvəlinə başçılıq edən moldovalı Viktor Boloqandan 1 xal geri qalır, “B” turnirində 2,5 xala malik Əsədli hərəyə 3 xal toplamış altı liderin yarım addımlığındadır. Xələfovanın isə 0,5 xalı var.

Bu gün hər iki turnirdə dördüncü turun görüşləri keçiriləcəkdir.

“Xalq qəzeti”