Fevralın23–25-də Kiyevdə Ukraynanın görkəmli güləşçi və məşqçilərinin xatirəsinə həsr edilən mötəbər beynəlxalq turnir keçiriləcəkdir.

İyirmi ikinci dəfə təşkil olunan bu yarışın iştirakçıları həm sərbəst və yunan-Roma güləşi turnirlərində, həm də qadın güləşində ustalıqlarını nümayiş etdiriləcəklər.

Azərbaycan Güləş Federasiyası mətbuat xidmətinin bu barədə yaydığı məlumatda həmçinin bildirilir ki, Ukrayna paytaxtında üç gün davam edəcək ənənəvi turnirdə ölkəmizin idmançıları da güləşin hər üç növündə starta çıxacaqlar.

“Xalq qəzeti”