Bu iki ölkənin komandaları arasında XXIII Qış Olimpiya Oyunlarının çempionu adı uğrunda gərgin mübarizə gedir.

Koreya Respublikasının Pxençxan şəhərində artıq finişin astanasında olan Olimpiadanın 11-ci günündən sonra  medal qazanmış ölkələrin siyahısında lider Norveç qızıl mükafatların sayına görə əsas rəqibi Almaniyadan bir medal irəlidədir.

Fevralın 21-də keçirilmiş yarışlardan sonra cədvəldə ilk beşliyi Norveç (13 qızıl, 11 gümüş, 9 bürünc mükafat), Almaniya (12+7+5), Kanada (9+5+7), Hollandiya (6+6+4) və ABŞ (6+4+6) komandaları təşki edirlər.

Görək, bugünkü startlardan sonra liderlər tandemində və böyük beşlikdə nə kimi dəyişikliklər olacaq...

“Xalq qəzeti”