Martın ilk beş günündə Moskvada şahmat üzrə səkkizinci dünya çempionu Mixail Talın xatirəsinə  həsr edilən superturnir keçiriləcəkdir.

Azərbaycan şahmatının lideri Şəhriyar Məmmədyarovun da iştirak edəcəyi bu mötəbər yarışın mükafatları uğrunda təmsilçimizlə yanaşı, rusiyalılar Vladimir Kramnik, Aleksandr Qrişuk, Pyotr Svidler, Sergey Karyakin, Yan Nepomnyaşi, Daniil Dubov, habelə Hikaru Nakamura (ABŞ),  Vişvanatan Anand (Hindistan) və  Borus Gelfand (İsrail) mübarizə aparacaqlar.

Qrossmeysterlər martın 2-4-də rapid turnirində, martın 5-də isə blits yarışında üz-üzə gələcəklər.

“Xalq qəzeti”